Connect with us

Hi, what are you looking for?

သတင်း

NUG ဝန်ကြီးကို အီးယူအဆင့်မြင့်အရာရှိလက်ခံတွေ့ဆုံ

ဥရောပသမဂ္ဂ၏ EEAS ဒုတိယမန်နေဂျင်းဒါရိုက်တာ Paola Pampaloni သည် NUG ကျန်းမာရေး နှင့်ပညာရေးဝန်ကြီး ပါမောက္ခဒေါက်တာဇော်ဝေစိုးကိုဌာနချုပ်ဘရက်စဲလ်၌ ယနေ့လက် ခံတွေ့ဆုံသည်။

NUG ဝန်ကြီးကို အီးယူအဆင့်မြင့်အရာရှိလက်ခံတွေ့ဆုံ

သက်ဆိုင်ရာအဖွဲ့အစည်းများအားလုံးနှင့် တွေ့ဆုံနိုင်ရေး အဓိကဆွေးနွေး

ဥရောပသမဂ္ဂ၏ EEAS ဒုတိယမန်နေဂျင်းဒါရိုက်တာ Paola Pampaloni သည် NUG ကျန်းမာရေး နှင့်ပညာရေးဝန်ကြီး ပါမောက္ခဒေါက်တာဇော်ဝေစိုးကိုဌာနချုပ်ဘရက်စဲလ်၌ ယနေ့လက် ခံတွေ့ဆုံသည်။

တွေ့ဆုံစဉ် လူသားချင်းစာနာထောက်ထားမှုဆိုင်ရာပံ့ပိုကူညီမှုနှင့် ASEAN အထူးသံတမန်အနေဖြင့် မြန်မာနိုင်ငံရှိသက်ဆိုင်ရာ အဖွဲ့အစည်းများအားလုံးနှင့် တွေ့ဆုံနိုင်ရေးတို့ကို အဓိကထား ဆွေးနွေးခဲ့ကြောင်း ရန်ကုန်မြို့ ဥရောပသမဂ္ဂရုံးက သတင်းထုတ်ပြန်သည်။

“NUG ကျန်းမာရေးဝန်ကြီး ပါမောက္ခဒေါက်တာဇော်ဝေစိုးနဲ့ ဒီနေ့တွေ့ဆုံရတာ ဝမ်းသာရပါတယ်။ အကြမ်းဖက်မှုတွေ ချက်ချင်းရပ်တန့်ဖို့၊ အာဆီယံအထူးကိုယ်စားလှယ်အနေနဲ့ မြန်မာနိုင်ငံ မှာ တွေ့ဆုံထိုက်သူအားလုံးနဲ့ လွတ်လပ်စွာတွေ့ဆုံနိုင်ဖို့ ဆွေးနွေးခဲ့ပါတယ်” ဟု Paola Pampaloni က ဆိုသည်။

အာဆီယံအထူးကိုယ်စားလှယ်၊ ကမ္ဘောဒီယားနိုင်ငံခြားရေးဝန်ကြီး ပရက်ဆော့ခွန်းသည် မကြာ မီတွင် မြန်မာနိုင်ငံသို့ လာရောက်ရန် စီစဉ်ထားပြီး ယင်းခရီးစဉ်အတွင်း စစ်ကောင်စီနှင့် ၎င်းက စီစဉ်ပေးသူများနှင့် တွေ့ဆုံရန် ရှိနေသည်။

Public Service Announcement

Public Service Announcement

သို့သော် ဖမ်းဆီးထိန်းသိမ်းခံ နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊နိုင်ငံတော်သမ္မတဦးဝင်းမြင့်တို့နှင့်တွေ့ဆုံရန်ကိုမူ စစ်ကောင်စီကခွင့်ပြုမည့်အခြေအနေမရှိပေ။

ထို့အပြင် စစ်ကောင်စီမှတဆင့် လူသားချင်းစာနာမှုဆိုင်ရာ အကူအညီများပေးရန် အာဆီယံနှင့် ကုလသမဂ္ဂတို့က စီစဉ်လာမှုအပေါ် NUG နှင့် တိုင်းရင်းသားအဖွဲ့အစည်း ၃ ခုက ကန့်ကွက်ရှုတ်ချထားပြီး အမှန်တကယ်လိုအပ်နေသူများထံ အမှန်တကယ်ရောက်ရှိရေးအတွက် ဒေသခံ အဖွဲ့အစည်းများနှင့်ချိတ်ဆက်ဆောင်ရွက်ရန် တောင်းဆိုထားသည်။

ဆက်စပ်သတင်းများ

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်းတို့ ဖုန်းနဲ့ဆက်သွယ်ပြောဆိုခွင့်ရရှိခဲ့တဲ့အပေါ် အမျိုးသားညီညွတ်ရေးအစိုးရ(NUG)က သဘောထား ထုတ်ပြန်ခဲ့ရာ မိသားစုဝင်တွေ၊ မြန်မာပြည်သူတွေနဲ့ထပ်တူ ဝမ်းမြောက်ကြောင်း ဖော်ပြပြီး ဖြစ်စဉ်တခုလုံးကို အလေးအနက်ထား စောင့် ကြည့်လျက်ရှိဟု ထုတ်ပြန်ပါတယ်။

သတင်း

လက်နက်ကိုင်တပ် ၁၉ဖွဲ့နဲ့ စုဖွဲ့ထားတဲ့ နွေဦးတော်လှန်ရေးမဟာမိတ်တပ်ပေါင်းစု(SRA)ရဲ့ ဒုတိယအကြိမ်ညီလာခံ ဖွင့်ပွဲအခမ်းအနားကို ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) တာဝန်ရှိသူတွေ တက်ရောက်ခဲ့ကြောင်း SCEFက အောက်တိုဘာ ၁၀ရက်ညပိုင်းမှာ ထုတ်ပြန်ပါတယ်။

Facebook