NLDပါတီ မြင်းခြံခရိုင်နာယက၏ သားပိုင်ဆိုင်​သော လယ်ထွန်စက်နှစ်စီးကို စစ်​ကောင်စီအဖွဲ့ လုယူ

မန္တလေးတိုင်း၊ မြင်းခြံမြို့တွင် အမျိုးသားဒီမိုက​ရေစီအဖွဲ့ချုပ်ပါတီ(NLD)ခရိုင်နာယက၏ သားပိုင်ဆိုင်သည့် ကျပ်သိန်းတစ်ထောင့်လေးရာခန့်တန်ဖိုးရှိသော လယ်ထွန်စက်၂စီးကို အကြမ်းဖက်စစ်ကောင်စီတပ်နှင့် ပျူ​စောထီးများက အဓမ္မလုယူသွားကြောင်း မြင်းခြံလူထုလှုပ်ရှားမှုကော်မတီက သတင်းထုတ်ပြန်သည်။

ဇွန်လ၃ရက်က မြင်းခြံမြို့နယ်၊ လယ်သစ်‌ကျေးရွာမှ NLD ခရိုင်နာယကဖြစ်သူ ဦးလှမြင့်(ခ)ကုလား၏ သားပိုင်သည့် လယ်ထွန်စက်၂စီးကို အဓမ္မလုယူသွားခြင်းဖြစ်ကြောင်း မြင်းခြံလူထုလှုပ်ရှားမှုကော်မတီ၏ ယနေ့ ဇွန်လ ၁၆ ရက် ထုတ်ပြန်ချက်တွင် ဖော်ပြသည်။

အကြမ်းဖက်စစ်ကောင်စီတပ်မှ အဓမ္မလုယူထားသည့် ​ရွှေ့ပြောင်းနိုင်သည့်ပစ္စည်း၊ မ​ရွှေ့ပြောင်းနိုင်သည့်ပစ္စည်းများကို ပြည်သူများအနေဖြင့် မဝယ်ယူမိရန် မြင်းခြံလူထုလှုပ်ရှားမှုကော်မတီက မေတ္တာရပ်ခံသည်။

ဝယ်ယူခဲ့ပါက နောင်တစ်ချိန်တွင် နောက်ဆက်တွဲပြသနာများဖြစ်ပေါ်လာနိုင်သည့်အတွက် ပစ္စည်းဝယ်ယူမှုများတွင် အထူးသတိထားဆောင်ရွက်ကြရန် မြင်းခြံလူထုလှုပ်ရှားမှုကော်မတီက အသိပေးသည်။

Public Service Announcement

မြင်းခြံမြို့နယ်အတွင်း စစ်ကောင်စီတပ်မှ သတ်ဖြတ်ခံရသည့် အရပ်သား၅၅ဦးရှိပြီ ဖြစ်သည်။ထို့အပြင် တိုက်ပွဲတွင်းကျဆုံးသူနှင့် PDF ဖမ်းဆီးအလောင်းဖျောက်ခံရသူ ​ခြောက်ဦး၊ တော်လှန်ရေးအတွင်း မတော်တဆထိခိုက်မိပြီး ကျဆုံးသူ ငါးဦးရှိနေကြောင်း မြင်းခြံလူထုလှုပ်ရှားမှုကော်မတီက ထုတ်ပြန်ထားသည်။