မန္တလေးမြို့ မဟာအောင်မြေမြို့နယ်တွင် စစ်ကောင်စီတပ်မှ တပ်ကြပ်ကြီးတစ်ဦးကို ပစ်ခတ်ရှင်းလင်းခဲ့ကြောင်း မြို့ပြပြောက်ကျားတပ်ဖွဲ့ Generation Z Power(GZP)က ယနေ့(ဇွန် ၂၁) ထုတ်ပြန်သည်။
မဟာအောင်မြေမြို့နယ်၊ သံလျက်မှော်အနောက် အောင်ချမ်းသာရပ်ကွက်တွင်နေထိုင်သော အကြမ်းဖက်စစ်ကောင်စီတပ်မှ တပ်ကြပ်ကြီး မျိုးထွေးဆိုသူကို ယနေ့နံနက် ၇နာရီခွဲခန့်တွင် သေနတ်ဖြင့် ငါးချက်ပစ်ခတ်ခဲ့ကြောင်း ဖော်ပြသည်။
ပစ်ခတ်ရှင်းလင်းခံရသော စစ်ကောင်စီတပ်သား တပ်ကြပ်ကြီးမျိုးထွေးသည် ရန်ကုန်မြို့ဘက်မှပြန်လာပြီး မဟာအောင်မြေရှိ ၎င်း၏ မိခင်ထံဝင်တွေ့စဥ် ယခုကဲ့သို့ ပစ်ခတ်ခံရခြင်းဖြစ်ပြီး နေရာတင်ပွဲချင်းပြီးသေဆုံးသွားကြောင်း GZP ထံမှ သိရသည်။
“ပြည်သူတွေ သွေးအေးမသွားကြဖို့နဲ့ ဒီတော် လှန်ရေးက နိုင်ကိုနိုင်မှာ ဖြစ်ကြောင်း ပြောကြားချင်ပါတယ်”ဟု GZP မှ တော်လှန်ရေးရဲဘော်တစ်ဦးက သတင်းစကားပါးသည်။
Public Service Announcement
မြို့ပြပြောက်ကျားတပ်ဖွဲ့များနှင့် တော်လှန်ရေးရဲဘော်များက စစ်ရေးပစ်မှတ်များအား တိုက်ခိုက်ဖြိုဖျက်လျက်ရှိသကဲ့သို့ ပြည်သူများအနေဖြင့်လည်း ထောက်ပို့တပ်သားများအဖြစ် နေအိမ်တွင်နေထိုင်းရင်း Click ပေးကြရန် GZPက တိုက်တွန်းသည်။
