မကွေးတိုင်း ထီးလင်းမြို့ပေါ်ကို ယနေ့မနက်က မိုင်းခွဲတိုက်ခိုက်ခဲ့ရာ စစ်ကောင်စီ လက်ပါးစေ ရဲ နှစ်ဦးနှင့် စိုက်ပျိုးရေးဘဏ် မန်နေဂျာတို့မိုင်းထိ ဒဏ်ရာရခဲ့ကြောင်း ထီးလင်းမြို့နယ် ယောဒေသ ကာကွယ်ရေးတပ်(YDF)က ထပ်မံအသိပေးထုတ်ပြန်သည်။
ယနေ့(ဩဂုတ် ၂ရက်) နံနက် ၉နာရီတွင် ထီးလင်းမြို့ရှိ စိုက်ပျိုးရေးဘဏ် အနီးနှင့် ဆောက်လုပ်ရေးရုံးအနီး မိုင်း ၃လုံး ဖောက်ခွဲတိုက်ခိုက်ခဲ့ခြင်းဖြစ်ပြီး ယင်းသို့ တိုက်ခိုက်ခြင်းမှာစစ်ကောင်စီ အုပ်ချုပ်ရေးယန္တရား လည်ပတ်စေရန် ကြိုးစားနေသည့်မြို့ပေါ်နေ Non-CDM ဝန်ထမ်းအချို့ကို သတိပေးခြင်းဖြစ်ကြောင်း YDF ထီးလင်းက ဆိုသည်။
ပြည်သူကို ဂရုမစိုက်ကြဘဲ ကိုယ့်အုပ်စုမှ အကောင်များကိုသာ လူထင်တက် သော ရဲခ/စခများ ထုံးစံအတိုင်း ၎င်းတို့လူထိ၍ ထီးလင်းမြို့ပေါ် တွင် ပတ်ရမ်းလျှက်ရှိကာ မဆိုင်သူများအား ဖမ်းဆီးနေသည်ဟု YDF(ထီးလင်း)၏ ထုတ်ပြန်ချက်၌ဖော်ပြကာ ထီးလင်းမြို့ပေါ်သို့ မသွားရန် သတိပေးထားသည်။
