ယောဒေသ ထီးလင်းမြို့နယ်ရှိ ပြည်သူလူထု၏ ကျန်းမာရေး၊ ပညာရေး၊ ကယ်ဆယ်ရေး၊ ပြန်လည်နေရာချထား ရေးများနှင့် ပြည်သူ့ရဲတပ်ဖွဲ့မှ တရားဥပဒေစိုးမိုးရေးဆိုင်ရာကိစ္စရပ်များပါဝင် သည့် ရုံးအဖွဲ့ကို အောင်မြင်စွာအကောင်ထည်ဖော်ဆောင်ရွက်နိုင်ခဲ့ကြောင်း YDF – Htilin က ထုတ်ပြန်သည်။
၂၀၂၂ မတ်လ ၅ရက်တွင် ရုံးအထိုင်ချခဲ့ပြီး ရုံးအဖွဲ့ ၁၅ ဦးဖြင့် စတင်ဖွဲ့စည်းခဲ့မှု မှာ ယနေ့(သြဂုတ် ၅ ရက်)တွင် ငါးလပြည့်မြောက်ခဲ့ခြင်းဟု ဖော်ပြထားသည်။
သို့သော် ယခုနှစ် ဖေဖော်ဝါရီ၁၄ ရက်တွင် YDF – Htilin ရုံးအဖွဲ့အား ရုံးကိစ္စအဝဝကို တပ်တွင်း တစ်နေရာတွင် လုပ်ငန်းများအစပျိုးခဲ့သည်ဟု ဆိုသည်။
ရုံးအဖွဲ့အင်အားသည် ပိုမိုကျယ်ပြန့်လာသော ရုံးကိစ္စအဝဝအား ကောင်းမွန်စွာ ဆက်လက်လည်ပတ်နိုင်ရန် မလုံလောက်သည့်အတွက် ၂၀၂၂ ဧပြီ၆ ရက်တွင် ရုံးအဖွဲ့အင်အား ခြောက်ဦး ထပ်မံတိုးချဲ့ခဲ့ပြီး စုစုပေါင်း ၂၁ဦးဖြင့် ပြင်ဆင် ဖွဲ့စည်းဆောင်ရွက်ခဲ့ရာ ရုံးလုပ်ငန်းများ ပို၍ အဆင်ပြေချောမွေ့စွာ လည်ပတ် နိုင်ခဲ့ကြောင်း အသိပေးသည်။
Public Service Announcement
“စစ်ရှောင်ဆိုလည်း ကော်မတီဖွဲ့ထားတယ်။ဒီလိုပဲ ပညာရေး ၊ကျန်းမာရေး ဆိုလည်း သက်ဆိုင် ရာ ကော်မတီအလိုက် နဲ့ သွားနေတယ်။အရမ်း ကြီးမစွမ်းနိုင်သေးပေမယ့်လို့ အတက်နိုင်ဆုံး ကူညီနေတယ်။ပြီးတော့ ကျွန်တော်တို့ ဖွဲ့စည်းထားတဲ့ ပြည်သူ့ရဲတပ်ဖွဲ့ဆိုလည်း ဒေသခံတွေက ယုံယုံကြည်ကြည်နဲ့ဘအမှုတွေ လာအပ်နေကြပါတယ်”ဟု YDF – Htilin ရုံးအဖွဲ့တာဝန်ခံက လူထုနွေဦးသို့ ပြောသည်။
ပြည်သူလူထုအတွက် YDF-Htilin ရုံးမှ နေ့ရက်တိုင်း ရုံးလုပ်ငန်းဆိုင်ရာ ကိစ္စအဝဝအား များစွာကြိုးစားဆောင်ရွက်နေလည်း ထုတ်ပြန်ချက်၌ ဖော်ပြသည်။
ထီးလင်းမြို့အပါအဝင် ယောဒေသသည် စစ်အာအာဏာရှင် တော်လှန်ရေးတွင် စနစ်တကျရှိပြီး တိုက်ခိုက်ရေးအရှိန်မြှင့်နေသလို တစ်ဖက်တွင် ပြည်သူ့အုပ်ချုပ် ရေးယန္တရားလည်း အသက်ဝင်နေပြီဖြစ်သည်။
