ကျောင်းကုန်း – အင်းတော် – မော်လူးလမ်းပိုင်း ဖြတ်သန်းရမည့်အချိန် ကန့်သတ်

စစ်ကိုင်းတိုင်းအထက်ပိုင်း မန္တလေး – မြစ်ကြီး နားဗျူဟာလမ်းမပေါ်ရှိ ကျောင်းကုန်း – အင်းတော်-မော်လူးလမ်းပိုင်း ဖြတ်သန်းရမည့်အချိန်ကို ကန့်သတ်ကြောင်း အင်းတော်ပြည်သူ့ကာကွယ်ရေးတပ်ဖွဲ့က ထုတ်ပြန်သည်။

ယနေ့(သြဂုတ် ၉ ရက်)ကစ၍ အဆိုပါ လမ်းပိုင်းတွင် ည ၇ နာရီ မှ နံနက်၅ နာရီအတွင်း မည်သည့်ယာဥ်အမျိုးစားမဆို လုံးဝ(လုံးဝ)ဖြတ်သန်းသွားလာခြင်းမပြုဟု ဆိုသည်။

“အဓိကတော့ စစ်ရေးအရှိန်မြှင့်ချင်တယ်။ဒါကြောင့် တစ်ခုခုဆို ပြည်သူတွေ မထိခိုက်အောင်ကြိုတင်သတိပေးတာမျိုးဖြစ်တယ်။လိုက်နာဖို့လည်း တောင်းဆိုတယ်”ဟု အင်းတော်ပြည်သူ့ကာကွယ်ရေးတပ်ဖွဲ့ဝင်တစ်ဦးက လူထုနွေဦးသို့ ပြောသည်။

လူနာတင်ယာဥ်များအနေဖြင့် အရေးပေါ်ဖြတ် သန်းသွားလာလိုပါက Indaw Revolution-IR နှင့် သက်ဆိုင်ရာအဖွဲ့စည်းသို့ အသိပေးပြီးမှသာလျှင် အရှိန်လျှော့မောင်းကာ ဖြတ်သန်းသွားလာရမည်ဖြစ်ပြီး စစ်ဆေးမေးမြန်းပါကလည်း အစစ် ဆေးခံနိုင်ရမည်ဟု အသိပေးသည်။

Public Service Announcement

အသိပေးချက်များအား လိုက်နာခြင်းမရှိဘဲ ဖြတ် သန်းသွားလာပြီး တစ်စုံတစ်ရာဖြစ်ပွားခဲ့ပါက တာဝန်ယူဖြေရှင်းပေးမည်မဟုတ်ကြောင်းလည်း ထုတ်ပြန်ချက်၌ ဖော်ပြသည်။