ကျိုက်ထိုမြို့နယ် လက်ပင်ရွာအနီးတိုက်ပွဲ စစ်ကောင်စီတပ် ၁၃ဦးသေဟု KNU ထုတ်ပြန်

ကရင်အမျိုးသားအစည်းအရုံး(KNU) တပ်မဟာ (၁)နယ်မြေ ကျိုက်ထိုမြို့နယ် လက်ပံပင်ရွာအနီး တိုက်ပွဲတွင် စစ်ကောင်စီတပ်မှ ၁၃ဦး သေဆုံးကာ လေးဦး ဒဏ်ရာရရှိခဲ့ကြောင်း KNU ဗဟိုက သတင်းထုတ်ပြန်သည်။

သြဂုတ် ၁၉ ရက် ညနေပိုင်းတွင် လက်ပံပင်ရွာ အနီးတွင် နယ်မြေကျူးကျော်တပ်စွဲထားသော အင်အား ၁၀၀ခန့်ရှိ စစ်ကောင်စီတပ်နှင့် KNLA ပူးပေါင်းတပ်ဖွဲ့များအကြား တိုက်ပွဲဖြစ်ပွားခဲ့သည်ဟု ဆိုသည်။

အဆိုပါ တိုက်ပွဲ၌ စစ်ကောင်စီတပ်သား ၁၃ ဦးသေဆုံးပြီး လေးဦး ဒဏ်ရာရရှိခဲ့ကြောင်း ဖော်ပြထားသည်။ တိုက်ပွဲတွင် KNLAနှင့်ပူးပေါင်းတပ်ဖွဲ့တို့ ထိခိုက်မှုမရှိပြန်လည်ဆုတ်ခွာနိုင်ခဲ့ကြောင်း အသိပေးထားသည်။

တိုက်ပွဲဖြစ်ပွားပြီးနောက် ညနေပိုင်းတွင် စစ်ကောင်စီတပ်သည် အနီးနားရှိကျေးရွားများအတွင်းသို့ လက်နက်ကြီးများဖြင့် ပစ်ခတ်ခဲ့၍ မဲရုံးလေး၊ လက်ပံပင်၊ ကျောက်ပုံ ကျေးရွာများမှ ရွာသူရွာသားများ ဘေးလွတ်ရာသို့ ထွက်ပြေးတိမ်းရှောင်နေကြရသည်ဟု ဆိုသည်။

Public Service Announcement

KNU ကျိုက်ထိုမြို့နယ်အတွင်း စစ်ကောင်စီမှ လက်နက်ကြီးရမ်းသမ်းပစ်ခတ်မှုများကြောင့် ဒေသခံများ စစ်ဘေးတိမ်းရှောင်နေကြရကြောင်း၊ လက်ရှိ အချိန်ထိ ဒေသခံစစ်ရှောင် ၂၂,၀၀၀ ကျော်ရှိကြောင်း KNUက ထုတ်ပြန်သည်။