မန္တလေးတိုင်း၊ ပုသိမ်ကြီးမြို့နယ်အတွင်း ကျေးရွာအချို့ကို မီတာခမဆောင်လို့ စစ်ကောင်စီက ရွာလုံးကျွတ်နီးပါး မီးဖြတ်ထားတယ်လို့ဒေသခံတွေဆီကသိရပါတယ်။
မီးဖြတ်ခံထားရတဲ့ ရွာ ဟာ ၃ ရွာထက်မနည်းရှိပြီး ကွေ့ကြီးကုန်းကျေးရွာ ၊ ရေကြည်ရွာ နဲ့ အနီးတဝိုက် က ကျေးရွာအချို့ပါကြပါတယ်။
ရွာကိုမီးပေးတဲ့ ထရန်စဖော်မာကနေ မီးဖြတ်လိုက်တာဖြစ်ပြီး မီးဖြတ်ခံရတာဟာ တပတ်လောက်ရှိနေပြီလို့ ဒေသခံတွေပြောကြပါတယ်။
စစ်တပ်အာဏာသိမ်းတာကိုဆန့်ကျင်တဲ့အနေနဲ့ စစ်အုပ်စု အခွန်ဝင်ငွေမရဖို့အတွက် လူထုဟာ မီတာမဆောင်ဘဲ အာဏာဖီဆန်ခဲ့ကြပါတယ်။
Public Service Announcement
ဒီအပေါ်ကို စစ်အုပ်စုက မီးဖြတ်တဲ့နည်းနဲ့ တုံ့ပြန်တာဖြစ်ပါတယ်။ မန္တလေးမြို့ပေါ်က မြို့နယ်တွေမှာ မီးဖြတ်ရာမှာ စစ်ကောင်စီတပ်သားတွေ လုံခြုံရေးယူပေးခဲ့တာရှိခဲ့ပါတယ်။
