ဖာပွန်ခရိုင်ထဲမှာ ကော်သူးလေတပ်မတော် အမှတ်(၅)တပ်မဟာနဲ့ စစ်ကောင်စီတပ်ဖွဲ့ဝင်တွေအကြား တိုက်ပွဲပေါင်း(၆၀)ကျော်ဖြစ်ပွားခဲ့ပြီး စစ်ကောင်စီဘက်က တပ်ခွဲမှူးနဲ့ ဗိုလ်အဆင့်ရှိသူတွေအပါအဝင်(၅၁)ဦးသေဆုံးခဲ့တယ်လို့ မူတြော်သတင်းစဉ်က ထုတ်ပြန်ပါတယ်။
စက်တင်ဘာ(၁)ရက်ကနေ (၁၅)ရက်အထိ မူတြော်ခရိုင်၊ ကော်သူးလေတပ်မတော် အမှတ်(၅)တပ်မဟာထိန်းချုပ်နယ်မြေအတွင်း တပ်မဟာ(၅)လက် အောက်ခံ တပ်ဖွဲ့ဝင်တွေနဲ့ စစ်ကောင်စီတပ်ဖွဲ့ဝင်တွေအကြား တိုက်ပွဲပေါင်း(၆၈) ကြိမ်ဖြစ်ပွားခဲ့ရာ စစ်ကောင်စီဘက်က(၅၁) ဦးသေဆုံးခဲ့ပြီး (၃၁)ဦး ဒဏ်ရာရရှိခဲ့တယ်လို့ ထုတ်ပြန်ချက်မှာဖော်ပြထားပါတယ်။
စစ်ကောင်စီဘက်က သေဆုံးသွားသူတွေထဲမှာ တပ်ခွဲမှူးနှစ်ဦးနဲ့ ဗိုလ်အဆင့်ရှိသူတစ်ဦး ပါဝင်ပြီး ဒဏ်ရာရရှိခဲ့သူတွေထဲမှာတော့ တပ်ရင်းမှူးတစ်ဦးနဲ့ ဒုတပ်ရင်းမှူးနှစ်ဦးပါဝင်တယ်လို့ ထုတ်ပြန်ထားပါတယ်။
ကော်သူးလေတပ်မတော် အမှတ်(၅)တပ်မဟာဘက်ကတော့ ရဲဘော်တစ်ဦးသေဆုံးခဲ့ပြီး (၁၁)ဦး ဒဏ်ရာရရှိခဲ့ကြောင်း ထုတ်ပြန်ထားတဲ့စာရင်းကနေ သိရပါတယ်။
Public Service Announcement
ဒါ့အပြင် စက်တင်ဘာလ(၇)ရက်က ဘူးသိုမြို့နယ်၊ ထီးသဒေါ့ထာ့ကျေးရွာအုပ်စု၊ တလာအောခို့ကျေးရွာသားတစ်ဦးကို နယ်ခြားစောင့်တပ်(BGF) အမှတ်(၁၀၁၄)တပ်ဖွဲ့ဝင်တွေက ပစ်သတ်ခဲ့သလို စက်တင်ဘာ(၅)ရက်ကနေ (၇)ရက်နေ့အတွင်းကလည်း စစ်ကောင်စီတပ်က ကျေးရွာတွေထဲကို လက်နက်ကြီးပစ်ခတ်မှုတွေလုပ်ဆောင်ခဲ့တယ်လို့ ထုတ်ပြန်ချက်မှာပါရှိပါတယ်။
စက်တင်ဘာလ(၁)ရက်ကနေ (၁၅)ရက်နေ့အထိ စစ်ကောင်စီတပ်က လက်နက်ကြီး(၃၂)လုံး ပစ်ချခဲ့တယ်လို့ ကေအဲန်ယူ-မူတြော်သတင်းစဉ်က ထုတ်ပြန်ကြေညာထားချက်အရ သိရပါတယ်။
