ဒေါ်အောင်ဆန်းစုကြည်နဲ့စီးပွားရေးအကြံပေး ရှောင်တာနယ်လ်ကို ထောင် ၃ နှစ်စီချ

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ စီးပွားရေးအကြံပေးရှောင်တာနယ်လ်တို့ကို ဒီနေ့ နေပြည်တော်ထောင်တွင်းတရားရုံးက အစိုးရ လျှို့ဝှက်အက်ဥပဒေနဲ့ ထောင်ဒဏ် ၃ နှစ်စီချလိုက်ပါတယ်။

ရှောင်တာနယ်လ်နဲ့အမှုတွဲတွေဖြစ်တဲ့ NLD စီးပွားရေးဝန်ကြီးဟောင်း ဦးကျော်ဝင်း ၊ စီးပွားရေးဝန်ကြီး ဦးစိုးဝင်းနဲ့ ဒုဝန်ကြီး ဒေါက်တာဆက်အောင်တို့ကိုလည်း ဒီနေ့တရားခွင်မှာ ထောင် ၃ နှစ်စီ တပါတည်းချလိုက်တယ်လို့ တရားရုံးနဲ့နီးစပ်သူတွေထံကသိရပါတယ်။

အာဏာသိမ်းပြီးနောက် သြစတြေလျနိုင်ငံသား စီးပွားရေးပညာရှင် ပါမောက္ခရှောင်တာနယ်လ်ကို ရန်ကုန်မှာ စစ်တပ်က ဖမ်းဆီးခဲ့တာပါ။

ဖမ်းခံရပြီးနောက်စစ်ဆေးရာမှာ လက်တော့ထဲမှာ မြန်မာပြည်စီးပွားရေးအချက်အလက်တွေ တွေ့ရတယ်ဆိုပြီး အစိုးရလျှို့ဝှက်အက်ဥပဒေနဲ့တရားစွဲခဲ့တာဖြစ်ပါတယ်။

Public Service Announcement

အမှုတွဲတွေအဖြစ် ဒေါ်အောင်ဆန်းစုကြည်၊NLD စီးပွားရေးဝန်ကြီးဟောင်း ဦးကျော်ဝင်း ၊ စီးပွားရေးဝန်ကြီး ဦးစိုးဝင်းနဲ့ ဒုဝန်ကြီး ဦးဆက်အောင်တို့ကိုပါ စစ်ကောင်စီက တရားစွဲဆိုခဲ့တာပါ။

ရှောင်တာနယ်လ်ကို ပြန်လွှတ်ဖို့ သြစတြေးလျ အစိုးရ က စစ်ကောင်စီကို တိုက်ရိုက်တောင်းဆိုထားတာတွေရှိပါတယ်။

ဒါအပြင ်မြန်မာနိုင်ငံကိုလာခဲ့တဲ့ အာဆီယံ ဥက္ကဋ္ဌ ဟွန်ဆန် ၊ ကုလကိုယ်စားလှယ် နော်လင်းဟေဇာတို့ဆီကတဆင့်လည်းတောင်းဆိုခဲ့တာတွေရှိခဲ့ပါတယ်။