ရှမ်းပြည်နယ် မူဆယ်မြို့နယ် မုံးကိုးဒေသ၌ ယနေ့ စက်တင်ဘာ ၂ရက်တွင် တိုက်ပွဲဖြစ်ပွားမှုမရှိသော်လည်း စစ်ကောင်စီတပ်က လက်နက်ကြီးပစ်ခတ်မှုများ ဆက် တိုက်ပြုလုပ်ခဲ့ ကြောင်း ကိုးကန့်လက်နက်ကိုင်အဖွဲ့ (MNDAA)က ထုတ်ပြန်သည်။
MNDAA ၏ The Kokang မီဒီယာမှ မုံးကိုးခရိုင်၊ဖောင်းဆိုင်ဒေသ စစ်ရေးအခြေနေကို MNDAA အရာရှိတစ်ဦးအား ဆက်သွယ်မေးမြန်းထားသည့် အမေးအဖြေကို ဖော်ပြခဲ့ခြင်းဖြစ်သည်။
မုံးကိုးခရိုင်၌ စက်တင်ဘာ ၁ရက် ညနေပိုင်းမှ စက်တင်ဘာ ၂ရက် နံနက်ပိုင်းအထိ တိုက်ပွဲဖြစ်ပွားမှုမရှိကြောင်း၊ သို့ရာတွင် တာဟိန်းတောင်ကုန်း နှင့် လုံခါဒေသရှိ စစ်ကောင်စီ အမြောက်တပ်များက ယမန်နေ့ညက MNDAA တပ်ရှိရာဒေသများသို့ လက်နက်ကြီးများဖြင့် အဆက်မပြတ်ပစ်ခတ် တိုက်ခိုက်ခဲ့ကြောင်း၊ လက်နက်ကြီးကျည်ဆန်များ လူရင်းထန်တောင်ကုန်း နှင့် ရှီးကျန်တောင်ကုန်းတစ်ဝိုက်ကျရောက်ပေါက်ကွဲပြီး ၇လုံးခန့်မှာ လူရန်းထန်ကျေးရွာအတွင်းသို့ ကျရောက် ပေါက်ကွဲခဲ့ကြောင်း MNDAA အရာရှိက ပြောကြားခဲ့သည်။
ဖောင်းဆိုင်ဒေသ၌လည်း စစ်ကောင်စီတပ်က စစ်ရေးလှုပ်ရှားမှု ပိုများလာပြီး စစ်ကြောင်း ၂ကြောင်းက ဖောင်းဆိုင် ဘောလုံးကွင်း နှင့် နယ်စပ်ဒေသ၌ လှု ပ်ရှားနေသည်ဟုဆိုသည်။
Public Service Announcement
စစ်ကြောင်းတစ်ခုလျင် အင်အား ၃၀မှ ၄၀အထိ ရှိသည့် အဆိုပါ စစ်ကြောင်း ၂ကြောင်းသည် MNDAAကို အလစ်တိုက်ခိုက်နိုင်ကြောင်း အဆိုပါ အရာရှိက သုံးသပ်ပြောကြားခဲ့ပြီး ပြန်လည်ခုခံတိုက်ခိုက်သွားရန် ပြင်ဆင်ထားသည်ဟုဆိုသည်။
MNDAAနှင့် စစ်ကောင်စီတပ်တို့သည် ဇူလိုင်လကတည်းက မုံးကိုးဒေသ၌ တိုက်ပွဲများဖြစ်ပွားနေပြီး ဩဂုတ်လကုန်နှင့် စက်တင်ဘာ ၁ရက် တိုက်ပွဲများ၌ စစ်ကောင်စီတပ်များ ထိခိုက်သေဆုံးမှုများခဲ့သည်။
