အမျိုးသားညီညွတ်ရေးအစိုးရရဲ့‘အောင်လံလွှင့်ချီနွေဦးထီ’ရဲ့ ကံထူးရှင်များကို ဒီလတတိယပတ်အတွင်း အကြောင်းကြားပေးသွားမယ်လို့ နွေဦးထီမိသားစုက ဒီနေ့ထုတ်ပြန်ပါတယ်။
‘အောင်လံလွှင့်ချီ နွေဦးထီ’ကို လုံခြုံရေးမြှင့်တင်ပြီး ပိုမိုကောင်းမွန်တဲ့ ဝန်ဆောင်မှုတွေနဲ့အတူ ဒီနေ့ညနေ ၄ နာရီမှာ ပြန်လည်စတင်ရောင်းချမယ်လို့ မနေ့က သတင်းထုတ်ပြန်ခဲ့ပါတယ်။
‘အောင်လံလွှင့်ချီ နွေဦးထီ’ဟာ CDM ဝန်ထမ်းတွေကို အဓိကထောက်ပံ့ပေးဖို့အတွက်ရည်ရွယ်ပြီး ရောင်းရ ငွေ စုစုပေါင်းရဲ့ ၇၀ ရာခိုင်နှုန်းကို CDM ဝန်ထမ်းတွေအတွက်၊ ကျန် ၃၀ရာခိုင်နှုန်းကို ဆုကြေးငွေအတွက် သတ်မှတ်ထားပါတယ်။
NUG ဟာ ‘အောင်လံလွှင့်ချီ နွေဦးထီ’ကို ဩဂုတ် ၁၅ ရက်မှာ စတင်ရောင်းချခဲ့ပြီး စမ်းသပ်အရောင်းကာလ ၅ ရက်တာမှာ လူထုစိတ်ဝင်စားမှုများပြားခဲ့ကာ အချိန်တိုအတွင်း ထီလက်မှတ်တွေ ရောင်းကုန်ခဲ့ပါတယ်။
Public Service Announcement
