နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ဟာ ပြည်သူတွေရဲ့ သဘောထားဆန္ဒတွေကို ဘယ်တော့မှ ဆန့်ကျင်မှာမဟုတ်ကြောင်း ဒီနေ့ပြောဆိုတယ်လို့ ရှေ့နေအဖွဲ့က ပြောပါတယ်။
ဒေါ်အောင်ဆန်းစုကြည်ဟာ ပြည်သူတွေရဲ့ လက်ရှိဆောင်ရွက်ချက်တွေကို သဘောမတူဘူးလို့ ကောလာ ဟလတွေ အပြင်ထွက်ပေါ်နေတဲ့အကြောင်း ရှေ့နေအဖွဲ့က ပြောကြားခဲ့ရာမှာ အဲဒီကောလာဟလတွေ မှန်ကန်ခြင်းမရှိဘူးလို့ ကာယကံရှင်က ပြောကြားခဲ့တာဖြစ်ပါတယ်။
“ပြည်သူတွေရဲ့လက်ရှိဆောင်ရွက်နေမှုအချို့အပေါ် သူ့အနေနဲ့ သဘောထားကွဲလွဲတယ်လို့ ထုတ်ဖော်ပြောဆိုတယ်ဆိုပြီး ကောလာဟလတွေထွက်နေတဲ့အကြောင်း ရှေ့နေအဖွဲ့က သူ့ကို ပြောခဲ့ပါတယ်။ သူပြောတာက ပြည်သူတွေရဲ့ဆန္ဒတွေကို ဘယ်တော့မှ ဆန့်ကျင်သွားမှာမဟုတ် ပါဘူးတဲ့”လို့ ဒေါ်အောင်ဆန်းစုကြည်ရဲ့ ရှေ့နေတစ်ဦးက ပြောပါတယ်။
ဒီနေ့ နေပြည်တော်အထူးတရားရုံးမှာ ဒေါ်အောင်ဆန်းစုကြည်ကို အကြမ်းဖက်စစ်ကောင်စီက စွဲဆိုထားတဲ့အမှုတွေ အနက် ၃ မှုကို စစ်ဆေးခဲ့ပြီး မနက်ဖြန်မှာ အမှု ၂ မှုကို ဆက်လက်စစ်ဆေးဖို့ ရှိနေပါတယ်။
Public Service Announcement
