အမေရိကန်မှာ ရထားလမ်းချော် တိမ်းမှောက်မှုကြောင့် လူ ၃ ဦးထက်မနည်း သေဆုံးသွားကြောင်း သိရပါတယ်။
Amtrak ကော်ပိုရေးရှင်းက ပြေးဆွဲတဲ့ ရထားဟာ စက်တင်ဘာ ၂၅ ရက်က မွန်တာနာ ပြည်နယ်ထဲမှာ လမ်းချော်မှု ဖြစ်ခဲ့တာပါ။ အတွဲ ၁၀ ခုပါတဲ့ ရထားမှာ တွဲ ၇ တွဲက လမ်းချော်ထွက်သွားခဲ့ပါတယ်။ ဒီဖြစ်စဉ်ကြောင့် ၃ ဦးထက်မနည်း သေဆုံးပြီး ဒဏ်ရာရသူ တော်တော်များများ ရှိခဲ့ပါတယ်။
အမေရိကန် ရထားပို့ဆောင်မှု လုံခြုံရေးဌာနက အခုဖြစ်စဉ်ကို စုံစမ်း စစ်ဆေးမှုတွေ ပြုလုပ်သွားမယ်လို့ ကြေညာပါတယ်။ ကယ်ဆယ်ရေးတွေက လမ်းချော်သွားတဲ့ တွဲတွေထဲ ပိတ်မိနေသူတွေကို မြန်မြန်ဆန်ဆန် ရွှေ့ပြောင်းပေးနိုင်ခဲ့ပါတယ်။
ရထားပေါ်မှာ ခရီးသည် ၁၄၆ ဦးနဲ့ အမှုထမ်း ၁၆ ဦး လိုက်ပါ စီးနင်းလာပါတယ်။ ချီကာဂိုက စတင် ထွက်ခွာလာတဲ့ ရထားဟာ ဂျိုပလင်မြို့နားမှာ လမ်းချော်မှု ဖြစ်ခဲ့တာပါ။ ဒီမတော်တဆမှု ဖြစ်ပွားရတဲ့ အကြောင်းရင်းကိုတော့ မသိရသေးပါဘူး။
Public Service Announcement
လူမှုကွန်ရက်ပေါ် ပျံ့နှံ့လာတဲ့ ဓာတ်ပုံတွေထဲမှာတော့ တိမ်းမှောက်နေတဲ့ ရထားတွဲတွေနားမှာ ခရီးသည်တွေရဲ့ ပစ္စည်းတွေ ပြန့်ကြဲနေတာ တွေ့နိုင်ပါတယ်။ ထိခိုက်ဒဏ်ရာရမှု စာရင်းကို အတိအကျ မထုတ်ပြန်သေးပေမယ့် အနည်းဆုံး လူ ၅၀ လောက် ဒဏ်ရာရခဲ့တယ်လို့ ကယ်ဆယ်ရေး အဖွဲ့တွေက ပြောကြားသွားပါတယ်။
