မြန်မာစစ်တပ်ရဲ့အကြမ်းဖက်မှုတွေ ချက်ချင်းရပ်တန့်ဖို့နဲ့ မတရားဖမ်းဆီးထိန်းသိမ်းထားသူတွေကို ပြန်လွှတ်ပေးဖို့ အမေရိကန်နဲ့ထိုင်း တောင်းဆို

ကုလသမဂ္ဂအထွေထွေညီလာခံတက်ရောက်ရင်း ဝါရှင်တန်ကိုရောက်ရှိနေတဲ့ ထိုင်းနိုင်ငံ ဒုတိယဝန်ကြီးချုပ်၊ နိုင် ငံခြားရေးဝန်ကြီး Don Pramudwinai ကို အမေရိကန်နိုင်ငံခြားရေးဝန်ကြီး Antony J. Blinken က မနေ့က လက် ခံတွေ့ဆုံခဲ့ပြီး မြန်မာ့အကျပ်အတည်းကို နှစ်နိုင်ငံစလုံးက စိုးရိမ်ကြောင်း ထုတ်ဖော်ပြောဆိုခဲ့ပါတယ်။

နောက်ပြီး အာဆီယံခေါင်းဆောင်တွေရဲ့ မြန်မာ့အကျပ် အတည်းဖြေရှင်းရေး သဘောတူဆုံးဖြတ်ချက် ၅ ရပ်ကို အကောင်အထည်ဖော်ရေး ဆက်လက်ပူးပေါင်းဆောင်ရွက်ရေးကိစ္စကိုလည်း နှစ်နိုင်ငံခြားရေးဝန်ကြီးတွေ ဆွေးနွေးခဲ့တယ်လို့ အမေရိကန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူရဲ့ ထုတ်ပြန်ချက်မှာဖော်ပြပါတယ်။

ဒါ့အပြင် အမေရိကန်နိုင်ငံခြားရေးဝန်ကြီးဟာ မနေ့က စင်ကာပူနိုင်ငံခြားရေးဝန်ကြီး Vivian Balakrishnan ကို လက်ခံတွေ့ဆုံခဲ့ပြီး မြန်မာ့အရေးအပါအဝင် ဒေသတွင်းစိန်ခေါ်မှုတွေကို ဆွေးနွေးခဲ့တယ်လို့ သတင်းထုတ်ပြန် ပါတယ်။