နိုင်ငံ ဆူပူအောင်လှုံဆော်တယ်ဆိုပြီး ရာဇသတ်ကြီး ပုဒ်မ၅၀၅(ခ) နဲ့ တရားစွဲတဲ့အမှုကို လာမယ့်ရုံးချိန်းတွေမှာ သမ္မတဦးဝင်းမြင့် နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တို့ ကိုယ်တိုင် ထုချေကြမယ်လို့ တရားလွှတ်တော်ရှေ့နေ ဦးခင်မောင်ဇော် ထံက သိရပါတယ်။
ရာဇသတ်ကြီးပုဒ်မ ၅၀၅ (ခ) နဲ့ သမ္မတဦးဝင်းမြင့် ၊နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ နေပြည်တော် ကောင်စီဥက္ကဋ္ဌ ဒေါက်တာမျိုးအောင် တို့ကို စစ်ကောင်စီက တရားစွဲထားတာပါ။
ဒီစွပ်စွဲချက်ကို စွပ်စွဲခံရသူ ၃ဦးလုံးက ကိုယ်တိုင်ထုချေမှာဖြစ်ပါတယ်။
အောက်တိုဘာလ ၁၂ ရက်ရုံးချိန်းမှာ သမ္မတ က ဦးဝင်းမြင့်က ထုချေမှာဖြစ်ပြီ ၊အောက်တိုဘာလ ၂၆ ရက် ရုံးချိန်းမှာ ဒေါ်အောင်ဆန်းစုကြည်က ထုချေမှာပါ။
Public Service Announcement
ဒေါက်တာမျိုးအောင်က နိုဝင်ဘာလ ၂ ရက် ရုံးချိန်မှာ ထုချေမယ်လို့ ရှေ့နေတွေဆီကသိရပါတယ်။
စစ်တပ်အာဏာသိမ်းပြီးတဲ့နောက် NLDပါတီ ဗဟိုအလုပ်အမှုဆောင်အဖွဲ့က ထုတ်ပြန်တဲ့ ကြေညာချက် ၂ စောင်နဲ့ပတ်သက်ပြီး ဆူပူအောင်လှုံဆော်တယ်ဆိုကာ တရားစွဲဆိုထားတာဖြစ်ပါတယ်။
အဲဒီကြေညာချက်တွေကတော့ စစ်ကောင်စီ ကိုအသိအမှတ်မပြုဖို့နဲ့ စစ်ကောင်စီက ထုတ်ပြန်တဲ့ ဥပဒေတွေဟာ တရားမဝင်တဲ့အကြောင်း ဆိုထားတာဖြစ်ပါတယ်။
