အကြမ်းဖက်စစ်တပ်က သုံးကြိမ်တိုင်ရွာမီးရှို့၍ ထွက်​ပြေး​နေရ​သော ထယ်​လှော်ရွာသားများ အကူအညီလိုအပ်​နေ

ဂန့်ဂေါမြို့နယ်ရှိ ထယ်လှော်ကျေးရွာကို အကြမ်းဖက်စစ်ကောင်စီတပ်များ သုံးကြိမ်ထက်မနည်း ဝင်ရောက်သောင်းကျန်းမီးရှို့ခဲ့၍ ထွက်ပြေးနေရသော ရွာခံများအတွက် အထောက်အပံ့များအ​ရေးပေါ်လိုအပ်နေကြောင်း ထယ်လှော်ရွာ- ပြန်လည်ထူထောင်ရေးအဖွဲ့က ပြောသည်။

အောက်တိုဘာ ၂ရက်က အကြမ်းဖက်စစ်တပ်၏ သုံးကြိမ်မြောက် ဖျက်စီးခံရမှုဖြစ်စဥ်တွင် ထယ်လှော်ကျေးရွာဘုန်ကြီးကျောင်းမှ ကားနှစ်စီးနှင့်ကျေးရွာရှိ ဆိုင်ကယ်များပါ ခိုးယူသွားသည်ဟု ဆိုသည်။

“ကျွန်တော်ရွာမှာ လူဦးရေ စုစုပေါင်း ၁၀၀၀ နီးနီးရှိတယ်။အားလုံးလိုလိုက ထွက်ပြေးနေရတာပါ။ အခု အလိုအပ်ဆုံးက စားနပ်ရိက္ခာနဲ့ ဆေးဝါးပဲဗျ။ကူညီကြဖို့လည်း မေတ္တာရပ်ခံပါတယ်”ဟု ထယ်လှော်ရွာ- ပြန်လည် ထူထောင်ရေးအဖွဲ့က တာဝန်ရှိသူတစ်ဦးက ​ပြောသည်။

လက်ရှိတွင် နေအိမ်စုစုပေါင်း အိမ်၂၉လုံးမီးရှို့ဖျက်ဆီးခံခဲ့ရပြီး အိမ်အလုံး၅၀ ထက်မနည်း ဖျက်ဆီးခံထားရကြောင်း ၎င်းက ပြောသည်။

Public Service Announcement

ထယ်လှော်ရွာ- ပြန်လည်ထူထောင်ရေးအတွက် ထောက်ပံ့လိုပါက 09454596775၊09442354516 နှင့် 09400286315 သို့ဆက်သွယ်ပေးရန် မေတ္တာရပ်ခံထားသည်။

ထို့အပြင် ဂန့်ဂေါမြို့နယ်အတွင်းရှိ ကျွန်းဒတ်ရွာ၊ နှမ်းခါးရွာ၊မြင်သားရွာ၊သာလင်းရွာနှင့် ရှာတောရွာများကိုလည်း အကြမ်းဖက်စစ်ကောင်စီက ရွာလုံးကျွတ်မီးရှို့မှုများနှင့် အရပ်သားများကို ဖမ်းဆီးသတ်ဖြတ်ခဲ့ကြသည်။

စစ်ကောင်စီ၏ ထိုးစစ်ဆင်ရာဒေသများဖြစ်သော စစ်ကိုင်း၊ချင်း နှင့် ကယားပြည်နယ်များအတွင်း၌လည်း လူနေအိမ်များမီးရှို့ဖျက်ဆီးမှုအပါအဝင် စစ်ရာဇဝတ်မှုပေါင်းများစွာကျူးလွန်နေသည်ဟု လူမှုအဖွဲ့အစည်းများက ထောက်ပြထားသည်။