စစ်မျက်နှာအများအပြားဖွင့်နေသည့်အာဏာသိမ်း စစ်ကောင်စီက တရားစွဲဆိုထားသော တိုင်းရင်းသား လက်နက်ကိုင် အဖွဲ့အစည်း ၇ခုမှအဖွဲ့ဝင်များနှင့် ဆက်စပ်သူများ ၁၁၄ ဦး အမှုများကိုပိတ်သိမ်းပေးသည်ဟု ထုတ်ပြန်သည်။
စစ်ကောင်စီက တစ်နိုင်ငံလုံးပစ် ခတ်တိုက်ခိုက်မှုရပ်စဲရေး သဘောတူစာချုပ် (NCA)လက်မှတ်ရေးထိုးခြင်း ၆ နှစ်မြောက်နှစ်ပတ်လည် အထိမ်းအမှတ်ဟု အကြောင်းပြကာ တရားရုံးအသီးသီးတွင် တရားစွဲဆိုခြင်းခံထားရသည့် တိုင်းရင်းသား လက်နက်ကိုင် အဖွဲ့ ၇ ဖွဲ့မှ ၁၁၄ ဦးကို အမှုပိတ်သိမ်းပေးခဲ့သည်ဟု အာဏာသိမ်းစစ်ကောင်စီမှ ဒုတိယဗိုလ်ချုပ်ကြီးအောင်လင်းဒွေးလက် မှတ်ရေးထိုးကာထုတ်ပြန်ခြင်းဖြစ်သည်။
ယခင်က ပြည်သူများနှင့် တိုင်းရင်းသား လက် နက်ကိုင်အဖွဲ့ဝင်များကို ဥပဒေမဲ့ ဖမ်းဆီးချုပ်နှောင် သတ်ဖြတ်ခြင်းပြုနေခဲ့သော်လည်း ယခုအခါ နိုင်ငံတစ်ဝန်းပြည်သူများ၏ ခုခံစစ်ပွဲများ ဖြေရှင်းရန် နိုင်ငံတစ်ဝန်း၎င်း ၏အင်အားများ ဖြန့်ကျက်ထားရခြင်းကြောင့် တိုင်းရင်း သားလက်နက်ကိုင်များနှင့် ပြေလည်မှုရရှိနိုင်ရန် ကြိုးစားအားထုတ်မှုတစ်ခုဖြစ်ကြောင်း နိုင်ငံရေးလေ့လာသူအချို့က သုံးသပ်သည်။
အမှုပိတ်သိမ်းပေးခဲ့သည့် ၁၁၄ ဦးတွင် AA မှ ၆၁ ဦး ၊ KIA မှ ၂၃ ဦး ၊ KNU/KNLA(PC) မှ ၁ ဦး၊ MNDAA မှ ၁ ဦး၊ RCSS/SSA မှ ၁၂ ဦး၊ SSPP/SSA မှ ၅ ဦး နှင့် TNLA မှ ၁၁ဦးကို စွဲဆိုထားသော ပြစ်မှုဆိုင်ရာ အမှုအားလုံးကို ပိတ်သိမ်းကာ တရားခံများအား အမှုမှလွှတ်ရမည်ဟု ဖော်ပြထားသည်။
Public Service Announcement
အကြမ်းဖက်စစ်ကောင်စီသည် အောက်တိုဘာလမှစ၍ အပစ်အခတ် ၅ လတာရပ်နားထားသည်ဟုကြေညာထားသော်လည်းယခုအခါ ရခိုင်ပြည်နယ်မှအပ ကျန်ပြည်နယ်နှင့် တိုင်းများတွင် တိုင်းရင်းသားလက်နက်ကိုင်အဖွဲ့များ ၊ဒေသခံပြည်သူ့ကာကွယ်ရေးတပ်ဖွဲ့များ ၊ မြို့ပြပျောက်ကျားတပ်ဖွဲ့များနှင့် စစ်ပွဲများဆင်နွဲနေသည်။ စစ်ကောင်စီအထိ့နာနေသော စစ်ကိုင်းတိုင် ၊ချင်း ပြည်နယ် ၊ကယားပြည်နယ်တို့တွင် စစ်အင်အားများထပ်မံဖြည့်တင်းထားပြီး တိုက်ပွဲကြီးများဖြစ်ရန် တာစူလျက်ရှိသည်။
