ဗြိတိန်၌ သုံးရက်ကြာကျင်းပခဲ့သော G7 ခေါင်းဆောင်များ၏ အစည်းအဝေးအပြီး အိမ်ဖြူတော် ၏ တရားဝင်ထုတ်ပြန်ချက်တွင် မြန်မာစစ်တပ် အာဏာသိမ်းမှုနှင့် စစ်တပ်၏ အကြမ်းဖက်ကျူး လွန်မှုများကို ပြင်းထန်စွာရှုတ်ချကြောင်း ဖော်ပြသည်။
မတရားသဖြင့် ဖမ်းဆီးထိန်းသိမ်းခံထားရသူအားလုံးကို ချက်ချင်းပြန်လွှတ်ပေးရန်လည်း အမေ ရိကန်၊ ဗြိတိန်၊ ပြင်သစ်၊ ဂျာမနီ၊ ကနေဒါ၊ ဂျပန်၊ အီတလီ စသည့် G7 ခေါင်းဆောင်များက တောင်းဆိုကြောင်း ထုတ်ပြန်သည်။
G7 သည် မြန်မာအပေါ် ဖွံ့ဖြိုးမှုအကူအညီကို မပေးရုံသာမက စစ်တပ်ကို အကျိုးဖြစ်ထွန်းသည့် စစ်လက်နက်များကိုမရောင်းချမည့် ၎င်းတို့၏ ကတိကဝတ်ကို ထပ်လောင်းအတည်ပြုခဲ့ကာ စီးပွားရေးလုပ်ငန်းများကိုလည်း ၎င်းတို့၏ ကုန်သွယ်မှု၊ ရင်းနှီးမြှုပ်နှံမှုပုံစံအတိုင်းကျင့်သုံးရန် တိုက် တွန်းခဲ့သည်။
ထို့အပြင် G7 သည် ဒီမိုကရေစီအပါအဝင် တည်ငြိမ်မှုရှိရေးအတွက် ငြိမ်းချမ်းစွာကြိုးပမ်းဆောင် ရွက်နေသူများကို ကူညီထောက်ပံ့မည်ဟု ကတိပြုခဲ့ပြီး အာဆီယံ၏ သဘောတူဆုံးဖြတ်ချက် ငါးရပ်ကို ကြိုဆိုကာ အမြန်ဆုံးအကောင်အထည်ဖော်ရန် တိုက်တွန်းခဲ့သည်။
Public Service Announcement
၎င်းတို့သည် မြန်မာနိုင်ငံ၏ လူသားချင်းစာနာမှုအခြေအနေကို အလွန်အမင်းစိုးရိမ်ကြောင်းနှင့် ထိခိုက်လွယ်သူများ၊ နေရပ်စွန့်ခွာသူများအား အကူအညီပေးနိုင်ရေး လွတ်လပ်စွာခွင့်ပြုပေးရန် တောင်းဆိုကြောင်း ထုတ်ပြန်သည်။ လူသားချင်းစာနာမှုတုံ့ပြန်ရေးအစီအစဉ်ကို ကူညီထောက်ပံ့ ကြောင်းနှင့် အခြားသူများပါဝင်ကူညီနိုင်ရေးကို တိုက်တွန်းကြောင်း G7 က ထုတ်ပြန်သည်။
