Connect with us

Hi, what are you looking for?

LuduNwayOo

News

၀ိုင်းမော်တွင် အိမ်သစ်တက်ပွဲလုပ်မည့်အိမ်ကို စစ်ကောင်စီဝင်စီးပြီး ကလေးများအပါအဝင် နေအိမ်ရှိလူ ၃၀​ကျော်ကို ဖမ်းသွား

“ကျွန်တော်တို့ တောင်မှ ဖိတ်စာပေးလို့ ဒီမနက်သွားမလို့ စီစဉ်နေတာ အဲဒီသတင်းကြားလိုက်ရတာ။ မနေ့ညက ကျွန်တော်တို့ ကချင်ရိုးရာအရဆိုရင်တော့ ဒီအိမ်သစ်တက်မှာ ဆိုရင်တော့ အမျိုးတွေ အကုန်လုံးလာကြတယ်လေ။ အမျိုးတွေက ဒီ ကော်ညှင်းပလိုင်း၊ ရိုးရာပလိုင်းနဲ့လာပြီးမှ ဂုဏ်ပြုတာပေါ့။ အဲဒီလိုမျိုးဆိုတော့ လူနည်းနည်းတော့ စုလိမ့်မယ် … ”

(အိမ်သစ်တက်ပွဲ ဖိတ်စာပါ နေအိမ်ကို​တွေ့ရစဥ်)

ကချင်ပြည်နယ် ၀ိုင်းမော်မြို့နယ် မိုင်းနားကျေးရွာတွင် ကချင်ရိုးရာအရ အိမ်သစ်တက်ပွဲ ပြုလုပ်မည့် နေအိမ်တစ်ခုသို့ စစ်ကောင်စီတပ်များဝင်ရောက်စီးနင်း သေနတ်ပစ်ဖောက်ပြီး အဆိုပါနေအိမ်ရှိနေသူများကို ဖမ်းဆီးသွားကြောင်း မိုင်းနားဒေသခံအချို့က ပြောသည်။

ကချင်ဒေသအခြေစိုက် သတင်းဌာန The 74 Media တွင် ယင်းဖြစ်စဉ်ကို ဖော်ပြထားရာ ယနေ့ ဇူလိုင် ၁ရက် နံနက် ၄နာရီခန့်တွင် စစ်ကောင်စီတပ်များ နေအိမ်သို့ ဝင်လာပြီး ကလေးငယ်၈ဦး နှင့် လူကြီး ၃၀ ကျော်ကို ဖမ်းဆီးသွားသည်ဟု ဆိုသည်။

ယင်းနှင့်ပတ်သက်၍ မိုင်းနားရပ်ကွက်၌ နေထိုင်သူ တစ်ဦးက “ကျွန်တော်တို့ တောင်မှ ဖိတ်စာပေးလို့ ဒီမနက်သွားမလို့ စီစဉ်နေတာ အဲဒီသတင်းကြားလိုက်ရတာ။ မနေ့ညက ကျွန်တော်တို့ ကချင်ရိုးရာအရဆိုရင်တော့ ဒီအိမ်သစ်တက်မှာ ဆိုရင်တော့ အမျိုးတွေ အကုန်လုံးလာကြတယ်လေ။ အမျိုးတွေက ဒီ ကော်ညှင်းပလိုင်း၊ ရိုးရာပလိုင်းနဲ့လာပြီးမှ ဂုဏ်ပြုတာပေါ့။ အဲဒီလိုမျိုးဆိုတော့ လူနည်းနည်းတော့ စုလိမ့်မယ်” ဟု ပြောသည်။

အရေ အတွက် မည်မျှဖမ်းသွားသည်ကိုမူ ၎င်းအနေဖြင့် အတိအကျ မသိဟု ပြောသည်။

မိုင်းနားကျေးရွာအနီးရှိ စစ်ရှောင်ပြည်သူတစ်ဦးကလည်း ယနေ့မနက်ပိုင်းတွင် သေနတ်ပစ်ခတ်သံများ ကြားရ၍ စခန်းအပြင်ဘက်သို့ မထွက်ရဲကြောင်း ပြောသည်။

You May Also Like

သတင်း

မိုင်းဖောက်ခွဲတိုက်ခိုက်မှုအတွင်း စစ်ကောင်စီယာဥ်တန်းနှင့် စစ်ကောင်စီတပ်ဖွဲ့ဝင် အများအပြား ထိခိုက်သေဆုံးမှုရှိနိုင်ပြီး အတည်ပြုနိုင်ခြင်း မရှိသေးဟု PDFက ဆိုသည်။

သတင်း

ရွှေဘိုမြို့အဝင်ရှိ စစ်ကောင်စီ စစ်ဆေးရေးဂိတ် သည် ခရီးသွားပြည်သူများအား စစ်ဆေးခြိမ်းခြောက်ငွေတောင်းခြင်း၊ ဖမ်းဆီး​နှိပ်စက်ခြင်းများ မကြာခဏ ပြုလုပ်နေကြောင်း ဒေသခံများက ပြောသည်။

သတင်း

အကြမ်းဖက်စစ်ကောင်စီက သံမိုးတောင်ရွာအား လေယာဉ်ဖြင့်ဗုံးကြဲတိုက်ခိုက်ခဲ့ခြင်းကြောင့် အရပ်သားပြည်သူများ ထိခိုက်သေဆုံးမှုနှင့် ဒဏ်ရာရရှိမှုများ ရှိသည်ဟု သိရကြောင်း ထုတ်ပြန်သည်။

သတင်း

အိမ်ခြေ ၁၃၀ကျော်ရှိ ခဝါသည်ရွာကို စစ်ကောင်စီတပ် မီးရှို့ခဲ့ရာ နေအိမ် ၉၅ လုံး ပျက်စီးခဲ့ရကြောင်း အသိပေးထားသည်။ မီးလောင်မှုကြောင့် စားနပ်ရိက္ခာများ၊ အဝတ်အထည်နှင့် အိမ်အသုံးအဆောင်များ မီးလောင်ပျက်စီးခဲ့ရသည်ဟု ဆိုသည်။