ကိုဗစ်ကူးစက်ဖြစ်ပွားမှုကိုလျော့ကျ နိုင်ဖို့အတွက် YBS ယာဉ်လိုင်းအချို့ ဟာ မနက်ဖြန် ဇူလိုင်လ ၁၇ ရက်ကစတင်ပြီး ၉ ရက်ကြာ ပြေးဆွဲမှု ယာယီရပ်နားထားမယ်လို့သိရပါတယ်။
ဒီလို ယာယီရပ်နားမယ့် ယာဉ်လိုင်းတွေကတော့ လူထုမိတ်ဆွေယာဉ်လိုင်းနဲ့ Omni Focus တို့ရဲ့ ယာဉ်လိုင်းတွေဖြစ်တယ်လို့ အဲဒီယာဉ်လိုင်းတွေက သတင်းထုတ်ပြန်ထားပါတယ်။
YBS ယာဉ်လိုင်းနံပါတ်တွေဖြစ်တဲ့ ၂၀ ၊ ၅၆ ၊ ၈၂ ၊ ၈၃ ၊ ၉၈ ၊ ၉၉ ၊ ၃၂ ၊ ၇၈ ၊ ၉၃ ၊၉၄ ၊ ၉၇ လိုင်းတွေပြေးဆွဲတာကို မနက်ဖြန်ဇူလိုင်လ ၁၇ ရက်ကနေ ဇူလိုင်လ ၂၉ ရက်အထိ ယာယီရပ်နားမယ်လို့သိရပါတယ်။
ဒီလို ယာယီရပ်နားတာဟာ တတိယလှိုင်းကူးစက်ဖြစ်ပွားမှုကိုလျော့ချနိုင်ဖို့ ရည်ရွယ်တာလို့ အဲဒီယာဉ်လိုင်းတွေက ဆိုထားပါတယ်။
Public Service Announcement
ရန်ကုန်မြို့တွင်းပြေးဆွဲနေတဲ့ YBS ယာဉ်လိုင်းအချို့ ယာယီရပ်နားမယ့် ၉ ရက်တာကာလဟာ ကိုဗစ် ထိန်းချုပ်ရေးအတွက်ဆိုကာ စစ်ကောင်စီက အများပြည်သူအလုပ်ပိတ်ရက်အဖြစ် သတ်မှတ်ထားတာလည်းဖြစ်ပါတယ်။
လက်ရှိမှာတော့ ပြည်တွင်း မှာ ကိုဗစ် တတိယလှိုင်းကို ကြုံတွေ့နေရပြီး အောက်ဆီဂျင်ပြတ်လတ်မှုကိုရင်ဆိုင်နေရပြီးသေဆုံးသူဦးရေဟာလည်းများပြားနေတာတွေ့ရပါတယ်။
