အာဇာနည်နေ့အထိမ်းအမှတ် စစ်အာဏာရှင်ဖြုတ်ချရေးအဖြစ် မုံရွာမြို့ရှိ ပင်မသပိတ်စစ်ကြောင်းသည် လူအင်အားအများအပြားဖြင့် ယနေ့တွင် ချီတက်ဆန္ဒပြခဲ့ကြသည်။
‘အာဇာနည်မျိုး သေရိုးမရှိ’ခေါင်းစဥ်ဖြင့် သပိတ်စစ်ကြောင်းများက စုပေါင်းဆန္ဒပြခဲ့ခြင်း ဖြစ်သည်။
‘ရဲနှင့်စစ်ခွေးများ နေရာအနှံ့ ဖြန့်ကျက်နေရာယူထားကြသော အတားအဆီးအမျိုးမျိုးကြားမှ မုံရွာမြို့တွင် ပင်မသပိတ်စစ်ကြောင်းသည် ယနေ့ နေ့လည်ပိုင်းတွင် ဒုတိယတစ်ကျော့ ထပ်မံချီတက်၍ ကျောင်းသား၊ ပြည်သူများ စစ်ကြောင်းနဲ့ အတူပူးပေါင်းကာ အာဏာရှင် တော်လှန်ရေး လှုပ်ရှားမှုကို ပြုလုပ်ခဲ့ကြပါတယ်’ဟု ပြည်သူ့မီဒီယာကွန်ရက်-မုံရွာက ထုတ်ပြန်ထားသည်။
ယနေ့ကျရောက်သော (၇၄)နှစ်မြောက် အာဇာနည်နေ့တွင် နိုင်ငံအနှံ့မြို့နယ်အသီးသီးရှိ သပိတ်စစ် ကြောင်းများနှင့် ပြည်သူများက စစ်အာဏာရှင်ဖြုတ်ချရေး ချီတက်ဆန္ဒပြပွဲများ ပြုလုပ်နေကြသည်။
Public Service Announcement
