Connect with us

Hi, what are you looking for?

LuduNwayOo

News

မုံရွာမြို့နယ်ပြည်သူ့ကာကွယ်​ရေးတပ်ဖွဲ့ စစ်​ကောင်စီတပ်ကို စတင်တိုက်ခိုက်

​ဒေသခံပြည်သူ့ကာကွယ်​ရေးတပ်ဖွဲ့များနှင့် ပူး​ပေါင်းတိုက်ခိုက်ခဲ့သည့် အဆိုပါတိုက်ပွဲတွင် အကြမ်းဖက် စစ်ကောင်စီဘက်မှ လက်နက်ကြီးများအဓိက အား ကိုး၍ ပစ်ခတ်ခဲ့ရာတွင် MPDF မှ ရဲဘော် (၅) ဦး ကျဆုံးပြီး၊ (၂) ဦးထိခိုက်ဒဏ်ရာ ရရှိခဲ့​ကြောင်း အသိ​ပေးထားသည်။

မုံရွာမြို့နယ်ပြည်သူ့ကာကွယ်ရေးတပ်ဖွဲ့ (MPDF) သည် အကြမ်းဖက်စစ်ကောင်စီတပ်အား ဇူလိုင် ၂၆ ရက်တွင် စတင်တိုက်ခိုက်ခဲ့​ကြောင်း ပြည်သူများအား အသိ​ပေးထားသည်။

​ဒေသခံပြည်သူ့ကာကွယ်​ရေးတပ်ဖွဲ့များနှင့် ပူး​ပေါင်းတိုက်ခိုက်ခဲ့သည့် အဆိုပါတိုက်ပွဲတွင် အကြမ်းဖက် စစ်ကောင်စီဘက်မှ လက်နက်ကြီးများအဓိက အား ကိုး၍ ပစ်ခတ်ခဲ့ရာတွင် MPDF မှ ရဲဘော် (၅) ဦး ကျဆုံးပြီး၊ (၂) ဦးထိခိုက်ဒဏ်ရာ ရရှိခဲ့​ကြောင်း အသိ​ပေးထားသည်။

ထို့အပြင် ရဲဘော် (၂) ဦး ​ပျောက်ဆုံးလျက်ရှိပြီး ဆက်လက်ရှာဖွေလျှက်ရှိသည်ဟု ဆိုသည်။
ကျဆုံးသွားခဲ့ရသော ရဲဘော်များသည် အကြမ်းဖက်စစ်ကောင်စီ အမြစ်ပြတ် ချေမှုန်းရေးနှင့် ဖက်ဒရယ် ဒီမိုကရေစီပြည်ထောင်စု တည်ဆောက်ရေးအတွက် ကျွန်ုပ်တို့ မုံရွာမြို့နယ် ပြည်သူ့ကာကွယ်ရေး တပ်ဖွဲ့ (MPDF) နှင့်အတူ တရားသောစစ်ကို စစ်နွှဲခဲ့ကြသူများဖြစ်သည်ဟု ထုတ်ပြန်ထားသည်။

ထို့အပြင် ကျဆုံးခဲ့ရသော ရဲဘော်များအတွက် ကျွန်ုပ်တို့ မုံရွာမြို့နယ်ပြည်သူ့ကာကွယ်ရေးတပ်ဖွဲ့ (MPDF) အနေဖြင့် အထူးဝမ်းနည်းကြေကွဲရပါ​ကြောင်း၊ ကျဆုံးရဲဘော်များသည် ပြည်သူလူထု စစ်ကျွန်ဘဝမှ လွတ် မြောက်ရေး၊ ဖက်ဆစ်စနစ် ဆန့်ကျင်ရေးနှင့် စစ်အာဏာရှင်စနစ် ချုပ်ငြိမ်းရေး တိုက်ပွဲတွင် ဂုဏ်ရောင်ပြောင်စွာ ကျဆုံးခဲ့ရာ ထိုရဲဘော်များအား သူရဲကောင်းအာဇာနည်များအဖြစ် သတ်မှတ်လိုက်သည်ဟု ​ဖော်ပြထားသည်။

ထို့အပြင် မပြီးပြတ်သေးသော စစ်အာဏာရှင် အမြစ်ပြတ်ချေမှုန်းရေးစစ်ပွဲကို ဆက်လက် တိုက်ပွဲဝင် ဆင်နွှဲသွားမည်ဖြစ်ပြီး၊ ကျွန်ုပ်တို့ အသက်နှင့် ကိုယ်ခန္ဒာအား ဖက်ဒရယ်ဒီမိုကရေစီ တိုက်ပွဲအတွက် အပြီးတိုင် မြှုပ်နှံထားကြောင်း ကျဆုံးရဲဘော်အပေါင်းကို တိုင်တည်သစ္စာပြုပါသည်ဟု MPDF က ထုတ်ပြန်ထားသည်။

အဆိုပါ MPDF အဖွဲ့ကို ဇွန်လ ၆ရက်က စတင်ဖွဲ့စည်းခဲ့ခြင်း ဖြစ်သည်။

You May Also Like

သတင်း

စစ်ကြောင်းထိုးလာသည့် စစ်ကောင်စီတပ်ကို ဖေဖော်ဝါရီ ၄ ရက် ည ၁၀ နာရီခွဲခန့်တွင်ဖယ်ခုံ PDF တပ် ရင်း( ၂ )၊ ကရင်နီအမျိုးသားများကာကွယ်ရေးတပ်-KNDF တပ်ရင်း (၃) နှင့် URF တို့ ပူးပေါင်းခုခံတိုက်ခိုက်ခဲ့သည်။

သတင်း

KIA တပ်မဟာ(၈)နယ်မြေသို့ စစ်ကောင်စီတပ် ဗုံးကြဲတိုက်ခိုက်မှု၊ မြင်းမူရှိ စစ်ကောင်စီတပ်စခန်းကိုPDF များကတိုက်ခိုက်မီးရှို့မှု၊ ဟုမ္မလင်းဒေသ တိုက်ပွဲသတင်းများကို KIA သတင်းဌာန က ဖော်ပြခဲ့ခြင်းဖြစ်သည်။

သတင်း

ယနေ့(ဖေဖော်ဝါရီ ၅ရက်) ကျရောသည့် (၆၂)နှစ်မြောက် ကချင်တော်လှန်ရေးနေ့သို့ NUG ကာကွယ်ရေးက ဂုဏ်ပြု သဝဏ်လွှာပေးပို့ခဲ့ခြင်းဖြစ်သည်။

သတင်း

မိတ္ထီလာမြို့နယ်၌ စစ်ကောင်စီ အာဏာသိမ်းပြီးနောက်ပိုင်း လောင်းကစားဝိုင်းများလည်း ပိုမိုများပြားလာပြီး နယ်ထိန်းနှင့်အုပ်ချုပ်ရေးမှူးများအား လာဘ်ငွေပေးကာအကြီးအကျယ်ပြုလုပ်နေကြောင်း ဒေသခံများက ပြောသည်။