စစ်ကိုင်းတိုင်း ဆားလင်းကြီးမြို့နယ်အတွင်းရှိ လူငယ်များက စစ်အာဏာရှင်ဖြုတ်ချရေးအဖြစ် Online သပိတ်ကို ယနေ့(သြဂုတ်၄ရက်)တွင် ပြုလုပ်ခဲ့သည်။
“ ကျွန်မတို့ ခုလိုOnline သပိတ်မှာ ပါဝင်ခွင့်ရတဲ့အတွက်ဝမ်းသာပါတယ်၊ စစ်အာဏာရူးတွေရဲ့ ရိုင်းစိုင်းယုတ်မာ မှုတွေကိုမကြိုက်လို့ ရတဲ့နေရာကတော်လှန်မယ်ဆိုတဲ့ ဆန္ဒနဲ့ Onlineသပိတ်မှာ ပါဝင်ရခြင်းဖြစ်တယ် အရေးတော် ပုံအောင်တဲ့အထိတော်လှန်သွားပါမည်” ဟု Onlie သပိတ်မှာ ဆင်နွှဲပါဝင်ခဲ့သည့် G -Y တစ်ဦးက ပြောကြား ခဲ့ကြောင်း ပြည်သူ့မီဒီယာကွန်ယက်-မုံရွာက ထုတ်ပြန်သည်။
ဆားလင်းကြီးဒေသခံများသည် စစ်အာဏာရှင်ဖြုတ်ချရေးအတွက် နေ့စဥ်မပျက်ဆန္ဒပြကန့်ကွက်နေကြသည်။
စစ်ခေါင်းဆောင်များက ၎င်းတို့၏ ကိုယ်ကျိုးစီးပွားအတွက်ဖေဖော်ဝါရီ ၁ ရက်တွင် နိုင်ငံတော်အာဏာကို မတရားသဖြင့်အတင်းအဓမ္မသိမ်းယူထားသည်မှာ ၁၈၅ ရက်ရှိပြီဖြစ်သည်။
Public Service Announcement
စစ်ကောင်စီတပ်ဖွဲ့ဝင်များက တိုက်ပွဲသုံးလက်နက်များကိုအသုံးပြု၍ ဆန္ဒပြပြည်သူများကို ပစ်ခတ်သတ် ဖြတ်နေသော်လည်း ပြည်သူများက စစ်အာဏာရှင်စနစ်အလိုမရှိကြောင်း ငြိမ်းချမ်းသောနည်းလမ်းမျိုးစုံဖြင့် လမ်းပေါ်ထွက်၍ နိုင်ငံတစ်ဝန်း ဆန္ဒထုတ်ဖော်နေကြသည်မှာလည်း ၁၈၂ ရက်ရှိပြီဖြစ်သည်။
