Connect with us

Hi, what are you looking for?

LuduNwayOo

News

နိုင်ငံရေးတွေ့ဆုံဆွေးနွေးမှုအပေါ် မျှော်လင့်ချက်ထားမရဟုKNU ဥက္ကဋ္ဌပြော

အာဏာသိမ်းပြီးနောက်ပိုင်းတွင်လည်း KNU အုပ်ချုပ်ရေးနယ်မြေများ၌ အာဏာသိမ်းစစ်တပ်နှင့် တိုက်ပွဲဖြစ်ပွားမှု ပိုများခဲ့ပြီး ဇူလိုင် တစ်လတည်း၌ပင် KNUနှင့် စစ်ကောင်စီ တိုက်ပွဲ ၁၈၀ ခန့်ဖြစ်ပွားခဲ့သည်ဟု ဆိုသည်။ အဆိုပါ တိုက်ပွဲများအတွင်းစစ်ကောင်စီတပ်များ အထိနာခဲ့ပြီး သေဆုံးဒဏ်ရာရသူများပြားခဲ့သည်။

နိုင်ငံရေးပြဿနာကိုတွေ့ဆုံဆွေးနွေးလိုသည့် နိုင်ငံရေးဆန္ဒမရှိသရွေ့ နိုင်ငံရေးတွေ့ဆုံဆွေးနွေးမှုအပေါ် မျှော်လင့်ချက်များထား၍ မရနိုင်ကြောင်း ကရင်အမျိုး သားအစည်းအရုံး(KNU) ဥက္ကဋ္ဌ ဗိုလ်ချုပ်ကြီးစောမူတူးစေးဖိုးက ပြောကြားသည်။

ဩဂုတ် ၁၂ရက်တွင် ကျရောက်မည့် (၇၁)နှစ်မြောက် ကရင့်အမျိုးသားအာဇာနည်နေ့ သို့ပေးပို့သော သဝဏ်လွှာတွင် KNU ဥက္ကဋ္ဌက စစ်တပ်အာဏာသိမ်းပြီးနောက်ပိုင်း ဖြစ်ပေါ်နေသည့် နိုင်ငံရေးအခြေအနေနှင့် ပြည်သူလူထု ရင်ဆိုင်နေရသည့် အချက်များအား ထည့်သွင်းပြောကြားခဲ့သည်။

ဖေဖော်ဝါရီ ၁ရက်နေ့တွင် စစ်တပ်က အာဏာသိမ်းခဲ့ခြင်းကြောင့် နိုင်ငံရေး နောက်ကြောင်းပြန်ခဲ့ရပြီး ပြည်သူလူထုများကို ညှင်းပန်းနှိပ်စက်မှုများ၊ သတ်ဖြတ်မှုများက မြို့ကြီးပြကြီးအထိ ပြန့်နှံ့ဖြစ်ပေါ်နေကြောင်း ၎င်းက ဆိုသည်။

“ညှင်းပန်းနှိပ်စက်မှု တွေနဲ့ သတ်ဖြတ်မှုတွေဟာ ယခုထက်တိုင် အတောမသတ်ဘဲ ရှိနေပါတယ်။ နိုင်ငံရေးပြဿနာ တွေကို တွေ့ဆုံဆွေးနွေးလိုတဲ့ နိုင်ငံရေးဆန္ဒမရှိသရွေ့ နိုင်ငံရေး တွေ့ဆုံဆွေးနွေးမှုအပေါ် မျှော်လင့်ချက်တွေ ထားလို့မရနိုင်ပါဘူး။ဒါကြောင့် မိမိတို့အနေနဲ့ နိုင်ငံရေးတွေ့ဆုံဆွေးနွေးမှုတွေအတွက် လမ်းဖွင့်ထားပြီး တစ်ဖက် မှာ လည်း မိမိတို့ ပြည်သူလူထုရဲ့အသက်၊ အိုးအိမ်၊ စည်းစိမ်တွေနဲ့ မိမိတို့ရဲ့ နေရပ်ဒေသကို ကာကွယ်ရမှာ ဖြစ်ပါ တယ်” ဟု ဗိုလ်ချုပ်ကြီးစောမူတူးစေးဖိုးက ပြောကြားသည်။

Public Service Announcement

Public Service Announcement

ခေတ်အဆက်ဆက် ရင်ဆိုင်ခဲ့ရသည့် အခက်အခဲတစ်ခုဖြစ်သော KNU အဖွဲ့အစည်းအတွင်း သတ်လျှိုထိုးခွဲမှု များ လက်ရှိအချိန်ထိကြုံနေရကြောင်းလည်း KNU ဥက္ကဋ္ဌက ပြောသည်။

အဖွဲ့အစည်းအားနည်းစေရန်၊ စည်းလုံးညီညွတ်မှုများ အားနည်းစေရန်၊ အင်အားယုတ်လျှော့စေရန် ထိုးနှက်ခံခဲ့ရသဟု ၎င်းက ဆိုသည်။

“ဒီလိုအခက်အခဲတွေကို ယနေ့ထက်ထိလည်း ရင်ဆိုင်နေရဆဲပဲဖြစ်ပါတယ်” ဟု ဗိုလ်ချုပ်ကြီးစောမူတူး စေးဖိုးက ပြောသည်။

KNU အဖွဲ့သည် စစ်တပ်အာဏာသိမ်းမှုကို ဆန့်ကျင်ကန့်ကွက်ထားပြီး စစ်အာဏာရှင်ဆန့်ကျင်ရေးလှုပ်ရှားမှုတွင် ပါဝင်ခဲ့သည့် ပြည်သူလူထုများကို အကူအညီအကာကွယ်များပေးခဲ့သည်။

အာဏာသိမ်းပြီးနောက်ပိုင်းတွင်လည်း KNU အုပ်ချုပ်ရေးနယ်မြေများ၌ အာဏာသိမ်းစစ်တပ်နှင့် တိုက်ပွဲဖြစ်ပွားမှု ပိုများခဲ့ပြီး ဇူလိုင် တစ်လတည်း၌ပင် KNUနှင့် စစ်ကောင်စီ တိုက်ပွဲ ၁၈၀ ခန့်ဖြစ်ပွားခဲ့သည်ဟု ဆိုသည်။ အဆိုပါ တိုက်ပွဲများအတွင်းစစ်ကောင်စီတပ်များ အထိနာခဲ့ပြီး သေဆုံးဒဏ်ရာရသူများပြားခဲ့သည်။

ဆက်စပ်သတင်းများ

သတင်း

တိုက်ပွဲမှာနေ့စဉ်ရက်ဆက်ဖြစ်နေသောကြောင့် ကျည်ဆန်လိုအပ်ချက်ရှိနေ၍ ပြည်သူများအနေဖြင့် ကူညီပါဝင်ပေးကြရန်လည်း ဗိုလ်မှူးကျော်ဟိန်းက ပြောသည်။

သတင်း

မြိတ်ခရိုင်အတွင်းအပါအဝင်း ဒေသတွင်းဖြတ်သွားသည် ပြည်ထောင်စုလမ်းမကြီးပေါ်၌ ယခုရက်ပိုင်း စစ်ရေးတင်းမာနေကြောင်း သတင်းရရှိသည်။

သတင်း

“ကျောက်ကြီးရဲ့ လက်ရှိ စစ်ရေး အခြေအနေကတော့ စကစ ကနေ ထိုးစစ်ဆင်တာတွေရှိတယ်။ လက်နက်ကြီးတွေ ရမ်းသန်းပစ်ခတ်တာတွေလည်းရှိတယ်။ လေယာဉ်နဲ့မကြာခဏ လာရောက်ပစ်ခတ်တာတွေလည်း ရှိတယ်” ဟု ကော်မတီ ပြောရေးဆိုခွင့်ရှိသူက ပြောပြသည်။

သတင်း

မြ၀တီ၌ နောက်ဆုံးကျန်နေသည့် ခမရ(၂၇၅)ကိုကရင်အမျိုးသားလွတ်မြောက်ရေးတပ်မတော် (K.N.L.A) မှဦးဆောင်ပြီး ကရင်အမျိုးသားကာကွယ်ရေး တပ်ဖွဲ့ (K.N.D.O)၊ နှင့် တော်လှန်ရေးပူးပေါင်းတပ်ဖွဲ့ (PDF)တို့မှ ယနေ့မနက်အစော၌ အပြီး သိမ်းပိုက်နိုင်ခဲ့ခြင်းဖြစ်သည်။