အကြမ်းမဖက်အာဏာဖီဆန် ရေးလှုပ်ရှားမှု(CDM)တွင် ပါဝင်နေသည့် နိုင်ငံ့ဝန်ထမ်း သူရဲကောင်းများကို ဖိနှိပ်နေသည့် ဝန်ထမ်း ၆၁ဦးကို အမည်ပျက်စာရင်း သွင်းလိုက်ပြီး ဝန်ထမ်းအဖြစ်မှ ထုတ်ပစ်လိုက်ကြောင်း အမျိုးသားညီညွတ်ရေးအစိုးရ(NUG) စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာနက ထုတ်ပြန်သည်။
အဆိုပါ ဝန်ကြီးဌာန၏ ဩဂုတ် ၂၉ရက်နေ့စွဲဖြင့် ထုတ်ပြန်သည့် အမိန့်ကြေညာစာတွင် ထုတ်ပစ်လိုက်သည့် ဝန်ထမ်း ၆၁ဦး၏ အမည်စာရင်း၊ ရာထူး၊ ဌာနအဖွဲ့အစည်း တို့ကို ဖော်ပြခဲ့သည်။
အဆိုပါ ဝန်ထမ်း ၆၁ ဦးသည် တရားမဝင်အာဏာသိမ်းစစ်ကောင်စီ၏ လက်အောက်တွင် ဆက်လက်တာဝန်ထမ်းဆောင်နေသည့်အပြင် CDM ဝန်ထမ်းများကို ဖိအားပေးခြင်း၊ ခြိမ်းခြောက်ခြင်း၊ ရာထူးကထုတ်ပယ်ခြင်း၊ ဝန်ထမ်းအဖြစ်မှထုတ်ပစ်ခြင်း၊ ၊ တရားစွဲဆိုခြင်း နှင့် အမျိုးမျိုးသော ဖိနှိပ်မှုမျးကို ကျူးလွန်ခဲ့သည်ဟု ဖော်ပြထားသည်။
အမျိုးသားညီညွတ်ရေးအစိုးရ၊ စီမံကိန်း၊ ဘဏ္ဍာရေးနဲ့ ရင်းနှီးမြှုပ်နှံမှု ဝန်ကြီးဌာနအနေဖြင့် အကြမ်းမဖက်အာဏာဖီဆန်ရေးလှုပ်ရှားမှု (CDM) တွင် ပါဝင်ခဲ့ကြသည့် နိုင်ငံ့ဝန်ထမ်း သူရဲကောင်းများ၏ လူမှုဖူလုံရေး၊ လုံခြုံဘေးကင်းရေးနှင့် ဖိအားကင်းစင်စေရေးတို့အတွက် အလေးထား ဆောင်ရွက်လျက်ရှိကြောင်းလည်း အသိပေးထားသည်။
Public Service Announcement
