နိုင်ငံတော်အရေးပေါ်အခြေအနေမှာ စစ်ကောင်စီလက် အောက်ခံဖြစ်နေတဲ့အရပ်ဘက်ရုံးဌာနအားလုံးကို ဒီနေ့ကစပြီး ရက်အကန့်အသတ်မရှိ အလုပ်ပိတ်ရက်အဖြစ်ကြေညာကာ အလုပ် ဆင်းဖို့မလိုအပ်ကြောင်း အမျိုးသားညီညွတ်ရေးအစိုးရ ပြည်ထောင်စုဝန်ကြီးချုပ် မန်းဝင်းခိုင်သန်းက ညွှန်ကြားလိုက်ပါတယ်။
အမျိုးသားညီညွတ်ရေးအစိုးရ(NUG)ဟာ ဒီနေ့ကစပြီး စစ်အာဏာရှင်ဆန့်ကျင်ရေး ပြည်သူတို့ရဲ့ ခုခံတွန်းလှန်စစ်ဟာ စတင်နေပြီလို့ ကြေညာထားပါတယ်။
မင်းအောင်လှိုင်ဦးဆောင်တဲ့အကြမ်းဖက်စစ်အုပ်ချုပ်ရေးကို တနိုင်ငံလုံးအတိုင်းအတာနဲ့ လှည်းနေလှေအောင်း မြင်းစောင်းမကျန်တွန်းလှန်တိုက်ဖျက်ကြဖို့ မြန်မာပြည်သူအားလုံးကို အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလက တိုက်တွန်းကြေညာပါတယ်။
ပြီးခဲ့တဲ့ ဖေဖော်ဝါရီ ၁ ရက်မှာ စစ်ကောင်စီက နိုင်ငံတော်ရဲ့အချုပ်အခြာအာဏာကို လက်နက် အားကိုးနဲ့ အဓမ္မလုယူသိမ်းပိုက်ထားရုံသာမက ပြည်သူတွေရဲ့ အသက်၊ အိုးအိမ်၊ စည်းစိမ်ကို ထိ ပါးအကြမ်းဖက် အန္တရာယ်ပြုနေခြင်း၊ ပြည်သူများကလည်း နည်းလမ်းစုံနဲ့ စစ်အာဏာရှင်အုပ်စိုး မှုကို ခုခံတွန်းလှန်နေခြင်း၊ တရားမဝင် စစ်အုပ်ချုပ်ရေးယန္တရားတစ်ခုလုံးကို အပြီးတိုင်ဖျက်သိမ်းဖို့ လိုအပ်လာခြင်း စတာတွေကြောင့် NUG က နိုင်ငံတော်ကို အရေးပေါ်အခြေအနေအဖြစ် ဒီနေ့ စတင်ကြောင်း ကြေညာခဲ့တာလို့ ဆိုပါတယ်။
Public Service Announcement
