ဒီမိုကရေစီလိုလားတဲ့နိုင်ငံရေးသမားတွေနဲ့ ဖွဲ့စည်းထားတဲ့ မြန်မာရဲ့ကိုယ်တိုင်ကြေညာထားတဲ့စင်ပြိုင်အစိုးရဟာ စစ်တပ်နဲ့ သူ့နေရာတွေကို အရပ်သားလက်နက်ကိုင်တပ်ဖွဲ့တွေက ပစ်မှတ်ထားတိုက်ခိုက်ဖို့တောင်းဆိုပြီး စစ်ကောင်စီကို ခုခံစစ်ပွဲဆင်နွှဲဖို့ ကြေညာလိုက်တယ်လို့ ဗြိတိန်ရဲ့ဩဇာကြီး The Guardian က ဖော်ပြပါတယ်။
အမေရိကန် ဝါရှင်တန်အခြေစိုက် Washington Examiner သတင်းဌာနက ‘ခုခံတော်လှန်လှုပ်ရှားမှုကို နိုင်ငံတစ်ဝန်းမြှင့်တင်ရေးတောင်းဆို’ ခေါင်းစဉ်နဲ့ မြန်မာရဲ့လက်ရှိစစ်အစိုးရကို ခုခံတော်လှန်ဖို့ စုစည်းနေတဲ့ မြေအောက်အစိုးရအဖွဲ့က လှည်းနေလှေအောင်မြင်းဇောင်မကျန် နိုင်ငံတစ်ဝန်းပုန်ကန်အုံကြွဖို့ အဖွဲ့ရဲ့ လက်ရှိ သမ္မတ ဒူဝါလရှီးလက အင်္ဂါနေ့မှာ ပြောကြားပါတယ်လို့ ဖော်ပြပါတယ်။
ကမ္ဘာကျော် CNN သတင်းဌာနက ‘မြန်မာ့အတိုက်အခံအစိုးရက စစ်ကောင်စီကို ပြည်သူတွေရဲ့ခုခံစစ်ပွဲကြေညာ’ ခေါင်းစဉ်နဲ့ နိုင်ငံတစ်ဝန်းလုံးက နိုင်ငံသားတွေ တော်လှန်ပုန်ကန်ဖို့ တိုက်တွန်းရင်း စစ်ကောင်စီကို ပြည်သူ့ခုခံ စစ်ပွဲကို မြန်မာ့အတိုက်အခံအစိုးရက ကြေညာလိုက်တယ်လို့ ဖော်ပြပါတယ်။
တရုတ်အစိုးရအာဘော်သတင်းဌာန Global Times ကတော့ အမေရိကန်နဲ့ အနောက်က မြန်မာနိုင်ငံရဲ့ ပြည်တွင်းစစ်ကို တွန်းအားပေးခြင်းကနေ ရှောင်ကြဉ်သင့်ကြောင်း အယ်ဒီတာ့အာဘော်ရေးသားထားပါတယ်။
Public Service Announcement
ဗြိတိန်ရဲ့ Sky News သတင်းဌာနကလည်း ‘စစ်တပ်ခေါင်းဆောင်တွေကို တစ်နိုင်ငံလုံးတွန်းလှန်ဖို့ အတိုက်အခံ အစိုးရတောင်းဆို’ ဆိုတဲ့ခေါင်းစဉ်နဲ့ အမျိုးသားညီညွတ်ရေးအစိုးရဟာ မြန်မာနိုင်ငံမှာ နိုင်ငံတစ်ဝန်းခုခံစစ်ပွဲစတင်ကြောင်းနဲ့ နိုင်ငံတော်အရေးပေါ်အခြေအနေကြေညာပြီး တစ်နိုင်ငံလုံးက တွန်းလှန် ပုန်ကန်ဖို့ တောင်းဆိုတဲ့အကြောင်း သတင်းဖော်ပြပါတယ်။
ဝါရှင်တန်အခြေစိုက် The Diplomat သတင်းဌာနကတော့ ‘စစ်အုပ်ချုပ်ရေးကို နိုင်ငံတစ်ဝန်း အုံကြွမှုစတင် ကြောင်း မြန်မာအတိုက်အခံအစိုးရကြေညာ’ ခေါင်းစဉ်နဲ့ ဖေဖော်ဝါရီကတည်းက အာဏာသိမ်းခဲ့တဲ့ စစ်တပ် အကြမ်းဖက်သမားတွေကို အားလုံးပါဝင်ပြီးရုန်းကန်တိုက်ထုတ်ကြဖို့ အမျိုးသားညီညွတ်ရေးအစိုးရက ကြေညာ လိုက်ပြီလို့ ဖော်ပြပါတယ်။
