အမျိုးသားညီညွတ်ရေးအစိုးရ(NUG)၏အမျိုးသမီး၊လူငယ်နှင့်ကလေးသူငယ်ရေးရာဝန်ကြီးဌာန၊ဒုတိယဝန်ကြီး ဒေါ်အိသဉ္ဇာမောင်သည် CDM ပြုလုပ်နေသည့်ရဲတပ်ဖွဲ့ဝင်များထံသို့ ထောက်ပံ့ငွေကျပ်ဆယ်သိန်းပေးအပ်လှူဒါန်းခဲ့သည်။
ပြည်သူလူထုဘက်က ရပ်တည်နေသည့် ရဲတပ်ဖွဲ့ဝင်များ စားဝတ်နေရေးပြေလည်စေရေးအတွက် ဒုတိယဝန်ကြီး ဒေါ်အိသဉ္ဇာမောင်က ငွေကြေးလှူဒါန်းခဲ့သည့်သတင်းကို CDM ပြုလုပ်နေသည့်ရဲတပ်ဖွဲ့ဝင်များကယနေ့(စက်တင်ဘာ ၁၁) သတင်းထုတ်ပြန်ခြင်းဖြစ်သည်။
“ကျနော်တို့ကို NUG ဒုတိယဝန်ကြီးက ငွေဆယ်သိန်းထောက်ပံ့ပါတယ်။ ငွေကြေး လိုအပ်ချက်တွေရှိနေပေမယ့် ကျွန်တော်တို့ကြိုးစားနေပါတယ်။ တော်လှန်ရေးအောင်မြင်တဲ့အထိ ကျနော်တို့ CDMရဲတပ်ဖွဲ့ဝင်တွေ ကြိုးစားသွားပါမယ်”ဟု CDM ရဲတပ်ဖွဲ့ဝင်တစ်ဦးကပြောသည်။
စစ်အာဏာသိမ်းမှုကိုဆန့်ကျင်ပြီး ပြည်သူထံ ပူးပေါင်းပါဝင်လာကာCDM ပြုလုပ်နေသည့် ရဲတပ်ဖွဲ့ဝင်အရေအတွက်သည် ၆၀၀၀ ခန့်အထိ ရှိနေပြီဖြစ်သည်။
Public Service Announcement
CDM ပြုလုပ်နေသည့်ရဲတပ်ဖွဲ့ဝင်များထံသို့ ထောက်ပံ့ငွေဆယ်သိန်းပေးအပ်လှူဒါန်းခဲ့သည်။
