စစ်ကိုင်းတိုင်း ကသာမြို့နယ် မိုးဒါး တိုက်နယ်အတွင်း၌ ယနေ့ ဖြစ်ပွားသည့် တိုက်ပွဲ၌ စစ်ကောင်စီဘက်မှ ၄၀ဦးခန့် သေဆုံးပြီး အများအပြား ဒဏ်ရာရရှိခဲ့ကြောင်း အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာန၏ နေ့စဉ်စစ်ရေးသတင်း ဖော်ပြချက်၌ ပါရှိသည်။
စက်တင်ဘာ ၂၀ရက်နေ့လည် ၁၁ခန့်တွင် ပြည်သူ့ကာ ကွယ်ရေးတပ်မတော် ကသာခရိုင် တပ်ရင်း(၁)၊ ကချင်လက်နက်ကိုင်အဖွဲ့(KIA) ပူးပေါင်းအဖွဲ့ နှင့် စစ်ကောင်စီတပ်များ တိုက်ပွဲဖြစ်ပွားခဲ့သည်ဟု ဆိုသည်။
ယင်းတိုက်ပွဲ၌ ပြည်သူ့ကာကွယ်ရေးတပ်မတော်နှင့် KIA ဘက်မှ ထိခိုက်ဒဏ်ရာရရှိမှု မရှိခဲ့ဟုလည်း ဖော်ပြထား သည်။
ကသာ-ဗန်းမော် လမ်းရှိ မိုးဒါးဒေသ၌ တိုက်ပွဲဖြစ်ပွား သည်ကို ကြားသိရကြောင်း ဒေသခံတစ်ဦးက ပြော သည်။
“အထိအခိုက်တွေက စစ်ဘက်က ဗိုလ်မှူးကြီးလားမသိဘူး ကျဆုံးသွားတယ်ကြားတယ်။ ပြီးခဲ့တဲ့ တစ်ပတ်ကလည်း မြစ်ကြီးနားသွားတဲ့လမ်းဘက်မှာ ဆီကားတွေကို ကားတစ်စီးကို ငွေ ငါးသောင်းတောင်းလို့ဆိုပြီး PDFက ပစ်ခတ်လို့ အရာရှိတစ်ဦးနဲ့မော်တော်ပီကယ် တစ်ယောက်ကျဆုံးတာလည်း ရှိတယ်”ဟု ၎င်းက ဆိုသည်။
ကသာမြို့နယ်တွင် ယခင်ကလည်း စစ်ကောင်စီတပ်ကို ဒေသခံ PDFနှင့် KIA ပူးပေါင်းပြီးခုခံတိုက်ခိုက်မှုများလုပ်ဆောင်ခဲ့ဖူးသည်။