ဆူပူအောင်လှုံဆော်တယ်ဆိုပြီး သမ္မတ ဦးဝင်းမြင့် ၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နဲ့နေပြည်တော် ကောင်စီဥက္ကဋ္ဌ ဒေါက်တာမျိုးအောင်တို့ကို တရားစွဲထားတဲ့ ပုဒ်မ ၅၀၅ (ခ) နဲ့စွဲချက် တင်လိုက်ပါတယ်။
ဒီနေ့ နေပြည်တော်မှာပြုလုပ်တဲ့ ရုံးချိန်မှာ စစ်ကောင်စီက စွဲဆိုထားတဲ့ ပုဒ်မအတိုင်း တရားရုံးက စွဲချက်တင်အမိန့်ချလိုက်တာပါ။
ဒေါ်အောင်ဆန်းစုကြည်အပါအဝင် ၃ ဦးလုံးက သူတို့မှာအပြစ်မရှိကြောင်း တရားရုံးကို ပြောခဲ့တယ်လို့ တရားလွှတ်တော်ရှေ့နေ ဒေါ်မင်းမင်းစိုးက ပြောပါတယ်။
ရှေ့နေအဖွဲ့ကတော့ ဒီအမှုနဲ့ပတ်သက်ပြီး ပြန်ခေါ်သက်သေ ၂ ဦး ကို စစ်ဆေးပေးဖို့ တရားကို တင်ပြပြီး လာမယ့် ရုံးချိန်းမှာအဲဒီသက်သေ တွေကို စစ်မယ်လို့သိရပါတယ်။
Public Service Announcement
အာဏာသိမ်းပြီးတဲ့နောက် ရက်ပိုင်းအကြာ မှာ ထုတ်ပြန်ခဲ့တဲ့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ရဲ့ ကြေညာချက် ၂ ချက်နဲ့ပတ်သက်ပြီး ဒေါ်အောင်ဆန်းစုကြည် နဲ့ သမ္မတ ဦးဝင်းမြင့်နဲ့ ဒေါက်တာမျိုးအောင်တို့ကို စစ်ကောင်စီက ၅၀၅ (ခ) နဲ့ တရားစွဲတာပါ။
အဲဒီကြေညာချက် တွေကတော့ စစ်ကောင်စီနဲ့ ပူးပေါင်းမဆောင်ရွက်ဖို့ ၊ သမ္မတဦးဝင်းမြင့်သာ တရားဝင်အစိုးရ ဖြစ်ကြောင်း ကုလသမဂ္ဂ ၊ သံရုံးတွေ ၊ နိုင်ငံတကာအဖွဲ့အစည်းတွေကို အသိပေးတဲ့ကြေညာချက်နဲ့ အာဏာသိမ်း စစ်ကောင်စီက ထုတ်ပြန်တဲ့ အမိန့်၊ညွှန်ကြားချက်တွေ ၊ဥပဒေတွေဟာတရားမဝင်ကြောင်း ကြေညာထားတာဖြစ်ပါတယ်။
ဒီကြေညာချက်တွေဟာ နိုင်ငံမတည်မငြိမ်ဖြစ်အောင်လုပ်ဆောင်တယ်ဆိုပြီး ပုဒ်မ ၅၀၅ (ခ) နဲ့ စွဲထားတာ ပါ။
ပုဒ်မ ၅၀၅ (ခ) ဟာ ထောင်ဒဏ် ၂ နှစ်အထိချနိုင်တဲ့ပုဒ်မဖြစ်ပါတယ်။
