မန္တလေးတိုင်း ကျောက်ဆည်ခရိုင်အတွင်း တံတားဦးမြို့နယ်ထဲက MPT တာဝါတိုင်တစ်တိုင် လက်လုပ်မိုင်းနဲ့ဖောက်ခွဲခံရတယ်လို့ သတင်းရရှိပါတယ်။
ဒီကနေ့ မနက် ၁၀ နာရီလောက်က တံတားဦးမြို့နယ် မြင်းသည်ကျေးရွာအနီးက MPT တာဝါတိုင် ဖောက်ခွဲခံခဲ့ရတာဖြစ်ပါတယ်။
အသံသဲ့သဲ့ကြားရပြီး ဘာပေါက်ကွဲတယ်ဆိုတာတော့ သေချာမသိဘူးလို့ အဲဒီအနားမှာ နေထိုင်သူအချို့က ပြောပါတယ်။
ဆိုရှယ်မီဒီယာမှာတော့ ပေါက်ကွဲမှုဖြစ်ပွားတဲ့ ရုပ်သံဖိုင်တစ်ခုတက်လာပြီး အဲဒီရုပ်သံဖိုင်က အဲဒီဖြစ်ရပ်မှတ်တမ်းဟုတ်မဟုတ်တော့ အတည်မပြုနိုင်သေးပါဘူး။
မနေ့က ညနေပိုင်းကလည်း ကျောက်ဆည်ဆေးရုံရှေ့က ကားတစ်စီး မိုင်းပေါက်ကွဲမှုဖြစ်ပွားခဲ့ရာ တစ်ဦးသေဆုံးပြီး တစ်ဦးဆေးကုသမှုခံယူနေရတယ်လို့ စုံစမ်းသိရှိရပါတယ်။