အာဏာသိမ်းစစ်ကောင်စီနှင့် ကိုးကန့်လက်နက်ကိုင်အဖွဲ့(MNDAA)တို့သည် ပြီးခဲ့သည့် ရက်ပိုင်းအတွင်းရှမ်းပြည်နယ် မြောက်ပိုင်း လားရှိုးနှင့် မုံးကိုးဒေသများ၌တိုက်ပွဲများ ဖြစ်ပွားခဲ့ကြောင်း MNDAAက ယနေ့ ထုတ်ပြန်သည်။
လားရှိုး – သိန်နီပြည်ထောင်စုလမ်းမတွင် စက်တင်ဘာ ၂၆ရက်က ဖြစ်သည့် တိုက်ပွဲ၌ စစ်ကောင်စီတပ်မှ ၃ဦးသေဆုံးပြီး ၆ဦးဒဏ်ရာရရှိခဲ့သည်ကြောင်း၊ MNDAA ဘက်မှအကျအဆုံးမရှိကြောင်း ဖော်ပြထားသည်။
စက်တင်ဘာ ၂၇ရက်ကလည်း အဆိုပါလမ်းပိုင်း၌တိုက် ပွဲဖြစ်ပွားခဲ့ကြောင်း MNDAAက ထုတ်ပြန်ခဲ့ပြီး ယင်းတိုက်ပွဲ၌ နှစ်ဖက် ထိခိုက်ကျဆုံးမှုအခြေအနေကို ဖော်ပြမထားပေ။
ထို့ပြင် စက်တင်ဘာ၂၅ရက်နှင့် ၂၆ကလည်း မုံးကိုးခရှိင်အတွင်းသို့ စစ်ကောင်စီတပ်က ထိုးစစ်ဆင်တိုက်ခိုက်ခဲ့ကြောင်း MNDAAက ထုတ်ပြန်သည်။
Public Service Announcement
စစ်ကောင်စီနှင့် MNDAAတို့သည် ဇွန်လမှစ၍ ကွတ်ခိုင်၊ မူဆယ် မုံးကိုး/ပန်ဆိုင်းဒေသ၊ လားရှိုးဒေသတို့၌ တိုက်ပွဲဖြစ်ပွားမှုများရှိခဲ့သည်။မုံးကိုးဒေသတိုက်ပွဲများ ပြင်းထန်ခဲ့ပြီး စစ်ကောင်စီတပ်က သေဆုံးထိခိုက်မှု များပြားခဲ့သည်။
