ခရမ်းမြို့ ရိုးကြီးကျေးရွာတွင် ယနေ့ည ၇ နာရီခန့်က အာဏာသိမ်းစစ်ကောင်စီ လက်အောက်ခံရဲနှစ်ဦးသေနတ်ဖြင့်ပစ်ခံရသဖြင့် ဒုရဲအုပ်သေဆုံးပြီးရဲတပ်သား
တစ်ဦးပြင်းထန်စွာ ဒဏ်ရာရရှိခဲ့သည်ဟု ဒေသခံအချို့ကပြောသည်။
ရိုးကြီးကျေးရွာတွင် ယနေ့ည ၇ နာရီခန့်က ဒုရဲအုပ်သက်လင်းအောင် နှင့် ရဲတပ်သားစိုင်းအောင် တို့နှစ်ဦးသည် ဆိုင်ကယ်ဖြင့်ပြန်လာရာ သေနတ် ဖြင့်သုံးချက်ပစ်ခတ်ခဲ့ခံရသည်ဟု ခရမ်းမြို့ခံတစ်ဦးက ပြောသည်။
ဒုရဲအုပ်သက်လင်းအောင်မှာ နေရာမှာတင်ပွဲချင်းပြီး သေဆုံးသွားပြီး ရဲတပ်သားစိုင်းအောင်မှာ သေနတ်ဒဏ်ရာကြောင့် စိုးရိမ်ရသည့် အနေအထားရှိကြောင်း သိရသည်။
“အခုရိုးကြီးမှာ စစ်တပ်တွေရောက်လာပြီလို့ကြားတယ်” ဟု ခရမ်းမြို့နေသူတစ်ဦးက ပြောသည်။
Public Service Announcement
ခရမ်းမြို့ ဗိုလ်ချုပ်အောင်ဆန်းမြင်းစီးရုပ်ထုတွင်လည်း ယနေ့ည၌ စစ်ကောင်စီတပ်ကတပ်စွဲထားပြီး သေနတ်ပစ်ဖောက်၍ ပြည်သူများကိုခြောက်လှန့်နေကြောင်း ဒေသခံ လူမှုကွန်ရက်စာမျက်နှာများက ဖော်ပြသည်။
စက်တင်ဘာ ၁၇ ရက်က ခရမ်းမြို့တွင်း ပျောက်ကြားစစ် ဆင်နွှဲရမှ PDF နှစ်ဦးကျဆုံးခဲ့ပြီး တစ်ဦးဖမ်းဆီးခံခဲ့ရကာ ဖမ်းဆီးခံရသောပြည်သူ့ကာကွယ်ရေးတပ်ဖွဲ့ဝင်မှာလည်း နောက်ပိုင်းတွင်ကျဆုံးခဲ့သည်။အကြမ်းဖက်စစ်ကောင်စီမှ ငါဦးသေဆုံးခဲ့ကြောင်း ခရမ်း PDF က အသိပေးထားသည်။
