အကြမ်းဖက်စစ်ကောင်စီ သတင်းပေးဟု မသင်္ကာသူ အမျိုးသားတစ်ဦးကို စစ်ဆေးရာ WY စာတမ်းပါ စိတ်ကြွဆေးပါး ၆၇ ပြား ရှာဖွေတွေ့ရှိခဲ့ကြောင်း ကရင်နီပြည်ရဲဌာန(KSP)က ယနေ့သတင်းထုတ်ပြန်သည်။
အဆိုပါ အမျိုးသားကို KGZ အထူးတပ်ဖွဲ့မှ အောက်တိုဘာ ၁ရက်တွင် ဖမ်းမိခဲ့ပြီး ယနေ့တွင် ရဲဌာနသို့လာရောက်အပ်နှံခဲ့သည်ဟုဖော်ပြထားသည်။ မည်သည့်မြို့နယ် မည်သည့်ဒေသ၌ ဖမ်းမိသည်ဆိုသည်ကိုမူ ဖော်ပြမထားပေ။
အဆိုပါ မင်္သကာသူအား KSP မှ စစ်ဆေးမေးမြန်းမှုများဆောင်ရွက်လျက်ရှိပြီး လိုအပ်သလိုအရေးယူဆောင်ရွက်သွားမည်ဟု ထုတ်ပြန်ထားသည်။
KSP အနေဖြင့် ယခင်ကလည်း စစ်ကောင်စီသတင်းပေးဟု မသင်္ကာသူ ၁၀ဦးကို ဖမ်းဆီးစစ်ဆေးပြီး သက်သေခိုင်လုံသည့် ၅ဦးကို ချုပ်နှောင်ကာ ကျန် ၅ဦးကို မိသားစုဝင်များထံ ပြန်လည်လွှဲပြောင်းပေးခဲ့ကြောင်း ထုတ်ပြန်ထားသည်။