နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က သူ့ကိုစွပ်စွဲထားတဲ့အမှုတွေကို ရက်သတ္တပတ်တိုင်း မစစ်ဆေးဘဲ ရက်သတ္တပတ် ၂ ပတ် ကို ၁ ကြိမ် ပြောင်းစစ်ဖို့ ကျန်းမာရေးအခြေအနေ အရ တရားရုံး ကို တင်ပြခဲ့တယ်လို့ ရှေ့နေတွေဆီကသိရပါတယ်။
ဒီနေ့ နေပြည်တော် မှာ စစ်ဆေးတဲ့ရုံးချိန်းမှာတင်ပြခဲ့တာဖြစ်ပြီး တရားသူကြီးက လာမယ့်အပတ် ရုံးချိန်းမှာ ဆုံးဖြတ်ပေးမယ်လို့ဆိုပါတယ်။
ဒေါ်အောင်ဆန်းစုကြည်ဟာ အပတ်စဉ် နေ့တိုင်းနီးပါး ရုံးထုတ်ခံနေရတဲ့အတွက် ကျန်းမာရေးအခြေအနေ ထိခိုက်နေပုံရတယ်လို့ ရှေ့နေ တွေက ပြောပါတယ်။
ပုံမှန်အားဖြင့် တပတ်ကို ပုံမှန် ၄ ရက်နီးပါး ရုံးထုတ်ထွက်နေရပါ။
ဒေါ်အောင်ဆန်းစုကြည်ဟာ ပုဒ်မ ၁၁ ခုနဲ့ တရားစွဲခံထားရတာဖြစ်ပြီး ပုဒ်မ ၅၀၅(ခ) နဲ့ သဘာဝဘေး ဥပဒေ နဲ့စွဲဆိုထားတဲ့အမှု တွေကို အပတ်စဉ် တနလာင်္နဲ့ အင်္ဂါနေ့တွေမှာစစ်ဆေးတာပါ။
ကြာသပတေးနေ့မှာ အစိုးရလျှို့ဝှက်ချက်ဥပဒေ နဲ့စွဲဆိုထားတဲ့အမှုကိုစစ်ဆေးပါတယ်။
အဂတိပုဒ်မ နဲ့ စွပ်စွဲခံရတဲ့အမှုကို တပတ်ခြားတခါ သောကြာနေ့တိုင်းစစ်ဆေးဖို့ တရားရုံးက ဆုံးဖြတ်ထားတာပါ။
NLD အပြတ်အသတ်အနိုင်ရတဲ့ ၂၀၂၀ရွေးကောက်ပွဲ မှာ မဲမသမာမှု ရှိတယ်ဆိုတဲ့အကြောင်းပြချက်နဲ့ စစ်တပ်ဟာ အရပ်သားအစိုးရ ခေါင်းဆောင်တွေကို ဖမ်းဆီးပြီးအာဏာသိမ်းလိုက်တာပါ။
အဲဒီနောက် ပုဒ်မအမျိုးမျိုးတပ်ကာ တရားစွဲဆိုတာပဲဖြစ်ပါတယ်။