တရုတ်-မြန်မာနယ်စပ်ကုန်သွယ်ရေး၏ ဒုတိယအကြီးဆုံး ကုန်သွယ်ရေးစခန်းဖြစ်သည့် ချင်းရွှေဟော်ကို အောက်တိုဘာ ၆ (မနက်ဖြန်)တွင် စတင်ပိတ်သိမ်းမည်ဖြစ်ကြောင်း တရုတ်နိုင်ငံက ကြေငြာလိုက်သည်။
ကိုဗစ်ကာကွယ်ရေးပစ္စည်းများအပ ကျန်ကုန်ပစ္စည်းများကို တင်ပို့ ၊တင်သွင်းခွင့်ပြုတော့မည်မဟုတ်ကြောင်း တရုတ်နိုင်ငံဘက်က မြန်မာနိုင်ငံမှ အာဏာသိမ်းစစ်ကောင်စီ၏ ကုန်သွယ်ရေးဦးစီးဌာနကို အကြောင်းကြားခဲ့ခြင်းဖြစ်သည်။
အဆိုပါ နယ်စပ်ဂိတ်ပိတ်ပင်လိုက်ခြင်းကြောင့် တရုတ်- မြန်မာနယ်စပ်ကုန်သွယ်ရေး တရုတ်-မြန်မာနယ်စပ်ကုန်သွယ်မူ လုံးဝရပ်ဆိုင်းသွားပြီဖြစ်သည်။
တရုတ်-မြန်မာနယ်စပ်ကုန်သွယ်မှုအားလုံး ရပ်ဆိုင်းသွားပြီဖြစ်သည်။
Public Service Announcement
ချင်းရွှေဟော် နယ်စပ်ဂိတ်မှ ပဲအမျိုးမျိုး၊ကြက်သွန်၊ ငါးခြောက်စသည့် လယ်ယာထွက်ကုန်များကိုမြန်မာနိုင်ငံက တင်ပို့နေခြင်းဖြစ်သည်။တရုတ်နိုင်ငံဘက်မှ မြန်မာနိုင်ငံသို့ ဆပ်ပြာမှုန့်အပါအဝင် လူသုံးကုန်ပစ္စည်းများ တင်သွင်းနေခြင်းဖြစ်သည်။
“ဒီလိုဆိုရင် မြန်မာဘက်က စိုက်ပျိုးရေးထုတ်ကုန်တွေ ပို့လို့မရတော့ဘူး။ တောင်သူတွေ ဈေးကောင်းမရတော့ဘဲ။ ဈေးကွက်ပျက်သွားနိုင်တယ်”ဟု ကုန်သည်တစ်ဦးကပြောသည်။
ချင်းရွှေဟော်နယ်စပ်ကုန်သွယ်ရေးစခန်းက ၂၀၁၉-၂၀၂၀ဘဏ္ဍာနှစ်တွင် အမေရိကန်ဒေါ်လာ သန်း ၅၀၀ကျော်ကုန်သွယ်ခဲ့ပြီး မြန်မာဘက်က သန်း၄၀၀ ကျော်ဖိုး ကုန်ပစ္စည်းများတင်ပို့နိုင်ခဲ့သည်။
မြန်မာနိုင်ငံတွင် နယ်စပ်ကုန်သွယ်ရေးမှ ၂၀၁၉-၂၀၂၀ ဘဏ္ဍာနှစ်တွင် ကုန်သွယ်မူ ဒေါ်လာ ၁၀ ဘီလီယံကျော်ရှိသည်။ ၎င်းတို့အနက် တရုတ်နိုင်ငံနှင့် အများဆုံးကုန်သွယ်မှုလုပ်ငန်ခဲ့ပြီး ၂၀၁၉-၂၀၂၀ဘဏ္ဍာနှစ်တွင် ဒေါ်လာ ၆ ဘီလီယံခန့်ရှိခဲ့သည်။
ချင်းရွှေဟော်နယ်စမ်ကုန်သွယ်ရေးစခန်းသည် မူဆယ်နယ်စပ်ကုန်သွယ်ရေးစခန်းပြီးနောက် ဒုတိယအကြီးဆုံးကုန်သွယ်ရေးဂိတ်ဖြစ်သည်။
တရုတ်-မြန်မာ နယ်စပ်ကုန်သွယ်ရေးတွင်အရေးပါသည့် မူဆယ်နယ်စပ်ကုန်သွယ်ရေးစခန်းရှိ ကျင်စန်းကျော့ဂိတ်၊ ဝမ်တိန်ဂိတ်၊ မန်ဝန်းဂိတ်၊ ဆင်ဖြူဂိတ်နှင့် နန်းတော်ဂိတ်တို့ကို ဇူလှိုင် ၈ရက်တွင် တရုတ်နိုင်ငံက ပိတ်ခဲ့ခြင်းဖြစ်သည်။
ကျယ်ဂေါင်တွင် မြန်မာနိုင်ငံသို့ တင်ပို့ရန် ကျန်ရှိသည့် ကုန်ပစ္စည်းများကို အောက်တိုဘာကုန်အပြီး သယ်ယူရန်လည်း တရုတ်ဘက်က အကြောင်းကြားထားသည်။
