မြန်မာစစ်တပ်ရဲ့ ရက်စက်ကြမ်းကြုတ်တဲ့ရာဇဝတ်မှုတွေမှာ ကြံရာပါပတ်သက်နေမှုကို အဆုံးသတ်ဖို့ ယူကရိန်းနိုင်ငံကို Justice for Myanmar က တိုက်တွန်းလိုက်ပါတယ်။
မြန်မာရေတပ်ကိုယ်စားလှယ် ၁၈ဦးကို ယူကရိန်းက ပြည်ဝင်ခွင့်မပေးခဲ့တာကြောင့် မလေးရှားနိုင်ငံ ကွာလာလမ်ပူလေဆိပ်မှာ သောင်တင်နေပြီး ယူကရိန်းအနေနဲ့ မြန်မာစစ်တပ်နဲ့ပတ်သက်မှုကို အဆုံးသတ်ဖို့ Justice for Myanmar က တိုက်တွန်းလိုက်တာဖြစ်ပါတယ်။
မြန်မာစစ်တပ်ကို စစ်လက်နက်ရောင်းချမှုပိတ်ပင်ရေးကို အခုချက်ချင်းလုပ်ဆောင်ဖို့၊ စီးပွားရေး လုပ်ငန်းတွေအားလုံးကို အဆုံးသတ်ဖို့ Justice for Myanmar က ထုတ်ပြန်ပါတယ်။
မနေ့က ကျင်းပခဲ့တဲ့ ကုလသမဂ္ဂအထွေထွေညီလာခံ ပထမကော်မတီ (လက်နက်ဖျက်သိမ်းရေးနှင့်နိုင်ငံတကာလုံခြုံရေးကော်မတီ)မှာ မြန်မာသံအမတ်ကြီး ဦးကျော်မိုးထွန်း တက်ရောက် မိန့်ခွန်းပြောခဲ့ပြီး မြန်မာစစ်တပ်ကို လက်နက်တွေ၊ ကျည်ဆံတွေနဲ့ ဆက်စပ်နည်း ပညာတွေ ရောင်းချနေတဲ့ နိုင်ငံတွေအနေနဲ့ မြန်မာပြည်သူတွေရဲ့ အသက်တွေကို ကယ်တင် ပေးနိုင်ရေး အတွက် ရောင်းချနေမှုတွေကို ပြန်လည်သုံးသပ်ပြင်ဆင်နိုင်ဖို့ မေတ္တာရပ်ခံခဲ့ပါတယ်။