လှိုင်မြို့နယ်မှ ငါးထောင်စားဟုနာမည်ကြီးသည့် သတင်းပေးဒလန် ဇေလတ်ဆိုသူ သေနတ်နဲ့ပစ်ခံရလို့ သေဆုံးသွားတယ်လို့ ဒေသခံတစ်ဦးက ပြောပါတယ်။
ဒီကနေ့ည ၇ နာရီလောက်မှာ လှိုင်(၃)ရပ်ကွက် (၁၁) လမ်းမှာနေထိုင်တဲ့ ဇေလတ်ဆိုသူကို ၎င်းရဲ့အိမ်ရှေ့လမ်းပေါ်မှာ သေနတ်နဲ့ ငါးချက်ပစ်သတ်သွားတယ်ဖြစ်တယ်လို့ အဲဒီဒေသခံက ဆိုပါတယ်။
“၇ နာရီခွဲကျော်အထိ အလောင်းကို လာမသယ်ကြဘူး။ ၈ နာရီထိုးခါနီးမှ ရခ တွေလာသယ်သွားကြတာ”လို့ သူက ဆက်ပြောပါတယ်။
သေနတ်နဲ့ အပစ်ခံရလို့ သေဆုံးသွားတဲ့ဇေလတ်ဆိုသူဟာ ပြီးခဲ့တဲ့ ဇန်နဝါရီလတုန်းက စစ်တပ်အာဏာမသိမ်းမီပြုလုပ်တဲ့ တပ်ထောက်ခံပွဲတစ်ခုမှာ ပြည်သူတစ်ဦးကို ဓားနဲ့ထိုးသတ်ခဲ့ဖူးတဲ့ မဘသထောက်ခံသူတစ်ဦး ဖြစ်ပါတယ်။
Public Service Announcement
