မန္တလေးမြို့ ပြည်ကြီးတံခွန်မြို့နယ်အတွင်းမှာ ရဲတပ်သားတစ်ဦး ဆိုင်ကယ်နဲ့ ဖုန်းလုယက်ခံရပြီး ဒဏ်ရာတွေနဲ့ သေဆုံးနေတယ်လို့ သတင်းရရှိပါတယ်။
ရဲတပ်သားတစ်ဦးဟာ မနေ့က အောက်တိုဘာ ၉ ရက် ည ၁၁နာရီလောက်က သမီးဖြစ်သူဆေးရုံတက်နေတာကို သွားပြီးအပြန်မှာ ဖြစ်ပွားခဲ့တာဖြစ်တယ်လို့ သိရပါတယ်။
ည၁၁နာရီလောက်မှာ ၇၄ A လမ်းနဲ့ ၁၁၃ B လမ်းမှာ ဆိုင်ကယ်၂စီးနဲ့ လူ၅ဦးခန့်က အဲဒီရဲတပ်သားရဲ့ ဆိုင်ကယ်နဲ့ ဖုန်းကိုလုယူခဲ့ပြီး အုတ်နီခဲတွေနဲ့ ရိုက်နှက်ခဲ့တယ်လို့ စုံစမ်းသိရပါတယ်။
” သွေးတွေကတော့ အိုင်နေတာပဲ။ ဖြစ်တာကတော့ ညကဖြစ်ပွားတာ မနက်ကျမှသေဆုံးနေတဲ့အလောင်းကိုတွေ့ရတာ ” လို့ မျက်မြင်တစ်ဦးက ပြောပါတယ်။
သေသွားတဲ့ ရဲတပ်သားဟာ အသက် ၃၀ နှစ်ခန့်ရှိတယ်လို့ သိရပါတယ်။
Public Service Announcement
မန္တလေးမှာ စစ်ကောင်စီက ည ၁၀ နာရီကနေ မနက် ၄ နာရီအထိ အပြင်မထွက်ရအမိန့်ကိုထုတ်ပြန်ထားပါတယ်။
