နေ့တိုင်းနီးပါး ရုံးထုတ်စစ်ဆေးနေတာကြောင့် ကျန်းမာရေးအခြေအနေအရ အမှုတွေကို ၂ ပတ်တကြိမ် စစ်ဆေးပေးဖို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့လျှောက်ထားမှုကို တရားရုံးက လက်မခံဘဲ ပယ်ချလိုက်ပါတယ်။
ဒီနေ့အောက်တိုဘာလ ၁၁ ရက်က နေပြည်တော်ကောင်စီအထူးတရားရုံးမှာ ဒီလျှောက်ထားမှုကို တရားသူကြီးက ဆုံးဖြတ်ခဲ့တာပါ။
ဒေါ်အောင်ဆန်းစုကြည်ဟာ အပတ်စဉ် နေ့တိုင်းနီးပါး ရုံးထုတ်ခံနေရတဲ့အတွက် ကျန်းမာရေးအခြေအနေ ထိခိုက်နေပုံရတယ်လို့ ရှေ့နေ တွေက ပြောထားပါတယ်။
ပုံမှန်အားဖြင့် တပတ်ကို ပုံမှန် ၄ ရက်နီးပါး ရုံးထုတ်ထွက်နေရပါ။
Public Service Announcement
ဒေါ်အောင်ဆန်းစုကြည်ကို စစ်ကောင်စီဟာ ပုဒ်မ ၁၁ ခုနဲ့ တရားစွဲထားတာဖြစ်ပြီး ပုဒ်မ ၅၀၅(ခ) နဲ့ သဘာဝဘေး ဥပဒေ နဲ့စွဲဆိုထားတဲ့အမှု တွေကို အပတ်စဉ် တနလာင်္နဲ့ အင်္ဂါနေ့တွေမှာစစ်ဆေးတာပါ။
ကြာသပတေးနေ့မှာ အစိုးရလျှို့ဝှက်ချက်ဥပဒေ နဲ့စွဲဆိုထားတဲ့အမှုကိုစစ်ဆေးပါတယ်။
အဂတိပုဒ်မ နဲ့ စွပ်စွဲခံရတဲ့အမှုကို တပတ်ခြားတခါ သောကြာနေ့တိုင်းစစ်ဆေးဖို့ တရားရုံးက ဆုံးဖြတ်ထားတာပါ။
ဒါအပြင် လေယာဉ်ဌားစီးရာမှာ ဌားရမ်းထားတဲ့အချိန်ပြည့်အောင်မစီးလို့ တိုင်းပြည်ဘဏ္ဍာငွေ နစ်နာတယ်ဆိုပြီး ထပ်မံတရားစွဲဆိုပြီး ပုဒ်မ ထပ်တိုးဖို့ စစ်ကောင်စီက ကြံစည်နေတာရှိပါတယ်။
