မြန်မာ့မီးရထားCDM ဝန်ထမ်းများအား ဝန်ထမ်းအိမ်ရာများမှ ဖယ်ရှားပေးရန် အကြမ်းဖက် ရဲတပ်ဖွဲ့ဖြင့် ခြိမ်းခြောက်ကာ အတင်းအဓမ္မ ဖယ်ရှားခိုင်းခြင်းနှင့်ပတ်သက်ပြီး စေခိုင်းသူ၊ပါဝင်လုပ်ဆောင်သူနှင့် အား ပေးသူများကို မှတ်တမ်းပြုစုပြီး အရေးယူသွားမည်ဟု မျိုးသားညီညွတ်ရေးအစိုးရ (NUG)က ထုတ်ပြန်သည်။
မြန်မာ့မီးရထား CDM ဝန်ထမ်းများအား ဝန်ထမ်းအိမ်ရာမှ အတင်းအဓမ္မ ဖယ်ရှားနေသော လုပ်ရပ် များနှင့် ပတ်သက်သည့် ကြေညာချက်ကို ပြည်ထောင်စုဝန်ကြီး ချုပ်မန်းဝင်းခိုင်သန်း ဦးဆောင်သည့် CDM အောင်မြင်ရေးကော်မတီက ယနေ့ (အောက်တိုဘာ ၁၄ရက်)တွင် ထုတ်ပြန်လိုက်ခြင်းဖြစ်သည်။
Non-CDM အရာထမ်း /အမှုထမ်းများသည် တရားမဝင် အာဏာသိမ်း စစ်ကောင်စီ အားသစ္စာခံ၍ အကြမ်းမဖက် အာဏာဖီဆန်ရေး လှုပ်ရှားမှု ( CDM ) တွင် ပါဝင်ကာ နွေဦးတော်လှန်ရေးတွင် ပြည်သူ နှင့်အတူ ရပ်တည်လျက်ရှိသော မြန်မာ့မီးရထားCDM ဝန်ထမ်းများအား ဝန်ထမ်းအိမ်ရာ များမှနေ၍ ဖယ်ရှားပေးရန် အကြမ်းဖက် ရဲတပ်ဖွဲ့ဖြင့် ခြိမ်းခြောက်ကာ အတင်းအဓမ္မ ဖယ်ရှားခိုင်း လျက်ရှိသည်ကို စိစစ်တွေ့ရှိရပြီး ယင်းသို့ဖယ်ရှားစေခြင်းတို့ကို စက်ဆုတ်စွာ ရှုံ့ချကြောင်း ဖော်ပြခဲ့သည်။
CDM ဝန်ထမ်းများကို ရာထူးမှ ထုတ်ပယ်ခြင်း၊ ဝန်ထမ်းအဖြစ်မှ ထုတ်ပစ်ခြင်း တို့အပြင် ဝန်ထမ်းအိမ်ရာများမှ အကြမ်းဖက်စစ်တပ်နှင့် ရဲများကို အသုံးပြု၍ ဖယ်ရှားခြင်းများပြုလုပ်ရာတွင် အမိန့်ပေးစေခိုင်းသော၊ လက် တွေ့ပြုမူဆောင်ရွက်သော၊ အားပေးကူညီသော လူပုဂ္ဂိုလ်များအားလုံးကို မှတ်တမ်းပြုစုကာ လိုအပ်သော အရေးယူဆောင်ရွက်မှုများ ပြုလုပ်သွားမည်ဖြစ်ကြောင်း ထုတ်ပြန်သည်။
Public Service Announcement
ထိုသို့ ပြုမူခံရသော မြန်မာ့မီးရထား CDM ဝန်ထမ်းများအား ပြည်သူလူထုတစ်ရပ်လုံးက ဝိုင်းဝန်းကူညီ ပံ့ပိုးပေးကြပါရန်လည်း အမျိုးသားညီညွတ်ရေးအစိုးရက မေတ္တာ ရပ်ခံထားသည်။
