အကြမ်းဖက်စစ်ကောင်စီဟာ ဖြေလျှော့မှုတွလုပ်ဆောင်လိုပါက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သမ္မတဦးဝင်းမြင့်တို့ကို ပြန်လွှတ်ပေးကာ ဒီမိုကရေစီနည်းကျ ရွေး ကောက်ခံရာထူးတွေအတိုင်း ပြန်လည်ထားရှိရမယ်လို့ နိုင်ငံရေးအကျဉ်းသားများကူညီစောင့် ရှောက်ရေးအသင်း(AAPP)က ဒီနေ့ထုတ်ပြန်ပါတယ်။
စစ်ကောင်စီက မတရားဖမ်းဆီးခံထားရသူတွေကို ဒီနေ့(အောက်တိုဘာ ၁၈)မှာ လွတ်ငြိမ်းခွင့် ပေးတဲ့အပေါ် AAPP က သဘောထားကြေညာချက်ထုတ်ပြန်ခဲ့ပြီး လွတ်ငြိမ်းခွင့်ပေးတာဟာ တိုက်ဆိုင်မှုသက်သက်မဟုတ်ဘဲ အာဆီယံက စစ်ကောင်စီကို ငြင်းပယ်ခဲ့တာကြောင့် ထွက်ပေါ်လာ တာဖြစ်တယ်လို့ ဆိုပါတယ်။
မြန်မာစစ်တပ်ဟာ အခုလို လွတ်ငြိမ်းခွင့်ထုတ်ပြန်ချက်တွေနဲ့ နိုင်ငံခြားအစိုးရတွေကို အာရုံထွေ ပြားသွားစေမယ့် ပုံစံမျိုးကို အသုံးပြုနေတာဖြစ်တယ်လို့ AAPP ကမှတ်ချက်ချပါတယ်။
ဒီနေ့စစ်ကောင်စီရဲ့လွတ်ငြိမ်းခွင့်မှာ နိုင်ငံရေးအကျဉ်း သားအချို့ ပါဝင်လာနိုင်ပေမယ့် ရည်ရွယ် ချက်ကတော့ ဖိနှိပ်မှုကို ဖြေလျှော့ဖို့မဟုတ်ပါဘူး။ လွတ်မြောက်လာသူတွေဟာ တရားမဝင် စစ်အာဏာသိမ်းဖို့ကြိုးပမ်းမှုကို လွတ်လပ်စွာစုဝေးဖို့ အခြေခံရပိုင်ခွင့်တွေကို ကျင့်သုံးခဲ့သူတွေဖြစ်ပါ တယ်။
Public Service Announcement
တစ်ဦးတစ်ယောက်မျှ မျှတတဲ့တရားစီရင်ခွင့် မရရှိဘဲ အားလုံးဟာ မတရားဖမ်းဆီးခံရပြီး စစ် ကြောရေးမှာ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ ညှင်းပန်းနှိပ်စက်ခံခဲ့ရသူတွေဖြစ်ပါတယ်။ မတရား ဖမ်းဆီးထိန်းသိမ်းခံရသူတွေအနက် ၁၃၁ ဟာ အဲဒီလိုနည်းလမ်းတွေနဲ့ ညှင်းပန်းနှိပ်စက်ခံရပြီး သေဆုံးခဲ့ရပါတယ်။
ဖေဖော်ဝါရီ ၁ ရက် အာဏာသိမ်းချိန်ကစလို့ မတရားဖမ်းဆီးထိန်းသိမ်းခံရတဲ့ ဒီမိုကရေစီလိုလားထောက်ခံသူ အနည်းဆုံး ၉၀၂၈ ဦးရဲ့ ပြန်လည်ထူထောင်ရေးကို တာဝန်ခံလုပ်ဆောင်ပေးရမှာဖြစ်ပြီး တောင်းပန်မှုတွေလည်း မဖြစ်မနေလိုအပ်ပါတယ်လို့ AAPP က တိုက်တွန်းပါတယ်။
အကြမ်းဖက်စစ်ကောင်စီဟာ အာဆီယံထိပ်သီးညီလာခံတက်ရောက်ခွင့်ငြင်းပယ်ခံရအပြီးမှာပဲ မတရားဖမ်းဆီးထားသူ ၅၀၀၀ ကျော်ပြန်လွှတ်ပေးမယ်လို့ ဒီနေ့ကြေညာခဲ့တာဖြစ်ပါတယ်။
