ဖားကန့်မြို့မှ စစ်ကောင်စီလက်အောက်ခံ ရဲကင်းတစ်ခု ယနေ့(အောက်တိုဘာ၁၉)ညတွင် တိုက်ခိုက်မီးရှို့ခံလိုက်ရပြီး အကြမ်းဖက်စစ်ကောင်စီတပ်ဖွဲ့ဝင်များ ထိခိုက်မှုရှိခဲ့ကြောင်း ဒေသခံများက ပြောသည်။
ဖားကန့်မြို့ မရှီကထောင်ရပ်ကွက်ရှိ ရဲကင်းကို လက် နက်ကိုင်အဖွဲ့တစ်ဖွဲ့က တိုက်ခိုက်ခဲ့ပြီး မီးရှို့ဖျက်ဆီးသွားခြင်းဖြစ်ကြောင်း ဒေသခံတစ်ဦးက ပြောသည်။
” မရှီကထောင်ရပ်ကွက်က မြို့နယ်ရွေးကော်ရုံးနားက ရဲကင်းအတိုက်ခံရတာ။ရဲ လေး၊ငါးယောက်ပဲ စောင့်တာ။ သေကျေဒဏ်ရာရစာရင်းမသိဘူး။ လူနာတင်ကားတွေတော့လာတယ်” ဟု ဒေသခံတစ်ဦးက ပြောသည်။
ဖားကန့်သည် စစ်အာဏာရှင်ဆန့်ကျင်တော်လှန်ရေးတွင် တက်ကြွသည့် မြို့ဖြစ်ပြီး စစ်ကောင်စီကို ရှုတ်ချကြောင်း လူထုဆန္ဒထုတ်ဖော်မှုများ နေ့စဥ်ပြုလုပ်နေဆဲဖြစ်သည်။PDFနှင့် KIA လည်း ဘေးကင်းစေကြောင်းဆုတောင်းပွဲများ မကြာခဏပြုလုပ်နေသည်။ စစ်ကောင်စီက ဖားကန့်ဒေသကို အင်တာနက်လိုင်းများ ဖြတ်တောက်ထားသည်။