တိုက်ပွဲဖြစ်ပွားရာနေရာတွင် စစ်ကောင်စီတပ်ဖွဲ့ဝင်အလောင်း၁၈လောင်းနှင့် လက်နက်များတွေ့ဟု MNDAA ထုတ်ပြန်

ကိုးကန့်လက်နက်ကိုင်အဖွဲ့(MNDAA)နှင့် အာဏာသိမ်းစစ်ကောင်စီတပ်တို့ တိုက်ပွဲဖြစ်ပွားရာနေရာအား ဝင်ရောက်ရှင်းလင်းရာ စစ်ကောင်စီတပ်ဖွဲ့ဝင်အလောင်း ၁၈လောင်းနှင့် လက်နက်ခဲယမ်းများရရှိကြောင်း MNDAAက ယနေ့(အောက်တိုဘာ၂၀) ထုတ်ပြန်သည်။

မကြာသေးမီရက်ကဖြစ်ပွားခဲ့သည့် ခုခံစစ်အတွင်း အကြမ်းဖက် စစ်ကောင်စီတပ် ဆုတ်ခွာခဲ့သော MNDAA ရှေ့တန်းနေရာတွင် အောက်တိုဘာ ၁၉ရက် ညနေပိုင်းက နယ်မြေရှင်းလင်းရေးပြုလုပ်ခဲ့ရာ အကြမ်းဖက်စစ်ကောင်စီတပ်၏ ပုပ်ပွနေသော အလောင်း၁၈လောင်း နှင့် လက်နက်ခဲယမ်းအချို့ တွေ့ရှိသည်ဟု ဖော်ပြသည်။

အဆိုပါသတင်းကို ရုပ်သံဖြင့်ဖော်ပြခဲ့ရာ အနည်းဆုံး လက်နက် ၁၃လက်နှင့် စစ်အသုံးအဆောင်ပစ္စည်းများကိုတွေ့ရသည်။

သို့ရာတွင်မည်သည့်နေရာဒေသ၌ တိုက်ပွဲဖြစ်ပွားသည်ကို MNDAA၏ ထုတ်ပြန်ချက်၌ မြန်မာဘာသာဖြင့်ဖော်ပြထားခြင်းမရှိသေးပေ။

Public Service Announcement

MNDAAနှင့် အာဏာသိမ်းစစ်ကောင်စီတပ်တို့သည် ပြီးခဲ့သည့် ရက်ပိုင်းများအတွင်း မုံးကိုး၊ ပန်ဆိုင်းဒေသများ၌ တိုက်ပွဲများ ပြင်းထန်စွာ ဖြစ်ပွားခဲ့သည်။