ဇနီးနှင့်ရှစ်လအရွယ်သားတစ်ဦးကျန်ခဲ့
စစ်ကိုင်းတိုင်း၊ ရွှေဘိုခရိုင်၊ တန့်ဆည်မြို့နယ်၊ ကံထူးမရွာတွင် အကြမ်းဖက်စစ်ကောင်စီတပ်ဖွဲ့ဝင်များ ပစ်ခတ်မှု့ကြောင့် စျေးလာဝယ်သော အပြစ်မဲ့ပြည်သူ အမျိုးသားတစ်ဦးသေဆုံးခဲ့ကြောင်း ဒေသခံများက ပြောသည်။
အောက်တိုဘာလ ၂၂ ရက် ညနေ ၅ နာရီဝန်းကျင်တွင် တန့်ဆည်မြို့နယ်၊ ကံထူးမရွာ နယ်မြေရဲစခန်းအနီး ဗုံးပေါက်ကွဲမှုဖြစ်ပွားခဲ့ပြီးနောက် စစ်ကောင်စီလက်အောက်ခံ ရဲများမှ ခရီးသွားပြည်သူများအား သေနတ်ဖြင့် ရမ်းသမ်းပစ်ခတ်ခဲ့ရာ ကံထူးမသို့ ဆိုင်ကယ်စီးနင်း၍ ဈေးလာဝယ်သော ကြက်ဆူကန်ကျေးရွာမှ ကိုအေးမင်း ရင်ဘတ် ကျည်ထိမှန်ပြီးသေဆုံးခဲ့ခြင်းဖြစ်ကြောင်း တန့်ဆည်မြို့နယ်ဒေသခံများက ပြောသည်။
“ကလေးကခုမှ တစ်နှစ်မပြည့်သေးဘူး အဖေခေါ်စရာမရှိတော့ဘူး။”ဟု ဒေသခံတစ်ဦးက ပြောသည်။ အသက် ၂၀ ကျော်အရွယ်ကိုအေးမင်းတွင် ဇနီးသည်နှင့် ၈ လအရွယ် သားလေးတစ်ဦးတို့ ကျန်ရစ်ခဲ့ကြောင်း ဒေသခံများက ပြောသည်။
Public Service Announcement
ကံထူးမနယ်မြေရဲစခန်းအနီး အဝိုင်းတွင် စစ်ဆေးရေးလုပ်နေသော အကြမ်းဖက်စစ်ကောင်စီတပ်သားများအား ယမန်နေ့ ညနေ ၅ နာရီဝန်းကျင်က ဗုံးခွဲတိုက်ခိုက်ခံခဲ့ရခြင်းဖြစ်ကြောင်း ဒေသခံများက ပြောသည်။
