နှုတ်ထွက်စာတင်ထားပြီး စစ်ကောင်စီသတင်းပေးနှင့် ရပ်ကွက် အုပ်ချုပ်ရေးမှူးအဖြစ် ဆက်လုပ်နေသူ မင်္ဂလာဒုံမြို့နယ် ကုန်းတလပေါင်းကျေးရွာအုပ်ချုပ်ရေးမှူး ဝေလင်းအောင် ယနေ့ နံနက်အစောပိုင်းတွင် သေနတ်ဖြင့် ပစ်သတ်ခံရပြီး သေဆုံးသွားကြောင်း ဒေသခံများက အတည်ပြုသည်။
ယနေ့ (အောက်တိုဘာ ၂၆ ရက်)နံနက် ၄ နာရီခန့်တွင် တပ်ရင်း (၉)ထိပ်၌ သေနတ်ဖြင့်ပစ်ခံခဲ့ရခြင်းဖြစ်သည်။
စက်တင်ဘာအတွင်းက နှုတ်ထွက်စာတင်ထားသည်ဟု ဒေသခံများကို လိမ်လည်ပြောကြားခဲ့ပြီး အမှန်တကယ်မနှုတ်ထွက်ဘဲ ရပ်ကွက်အုပ်ချုပ်ရေးမှူးရုံးနှင့် သက်ဆိုင်ရာနေရာများတွင် တာဝန်ကို တိတ်တဆိတ်ထမ်းဆောင်နေကြောင်း သိရသည်။
“လိမ်ပြီး စစ်ကျွန်ခံတဲ့ကောင်ပါ။ရက်ကွက် ထောက်ခံစာလည်း သူ့ဆီသွား လုပ်ရတာပဲ။ပြီးတော့ အာဏာပါဝါလည်း ခဏ ခဏ ပြတာ”ဟု ဒေသခံတစ်ဦးက ပြောသည်။
Public Service Announcement
ထို့အပြင် ၎င်းသည် ကုန်းတလပေါင်းကျေးရွာရှိ အသက်မပြည့်သေးသော် မိန်းကလေးငယ်အား အမှုဆင်လိမ်လည်ကာ ဖမ်းဆီးခိုင်းစေခဲ့သူအဖြစ် ထင်ရှားသည်။
