အမျိုးသားညီညွတ်ရေးအစိုးရ NUG ဟာ အာဆီယံနဲ့ ဆက်ဆံရေးပူးပေါင်းဆောင်ရွက်ရေး လုပ်ငန်းတွေ ပိုမိုတိုးမြှင့်လုပ်ဆောင်နိုင်ဖို့ ဦးဘိုလှတင့်ကို သံအမတ်ကြီးအဖြစ် ခန့်အပ်တာဝန်ပေးအပ်ကြောင်း ဒီနေ့(အောက်တို ဘာ ၂၆ရက်)ထုတ်ပြန်ကြေညာပါတယ်။
NUG ရဲ့ အာဆီယံဆိုင်ရာ သံအမတ်ကြီးအဖြစ်ခန့်အပ်ခံရတဲ့ ဦးဘိုလှတင့်ဟာ ၁၉၉၀ ခုနှစ်က ဒေါက်တာစိန်ဝင်းဦးဆောင်သည့် National Coalition Government of the Union of Burma (NCGUB) အစိုးရအဖွဲ့တွင် ဆောက်လုပ်ရေးဝန်ကြီး၊ သတ္တုတွင်းဝန်ကြီးတာဝန်များကို ထမ်းဆောင်ခဲ့ပါတယ်။
နောက်ပြီး NCGUB ရဲ့ ကုလသမဂ္ဂ မြန်မာကိုယ်စားလှယ်အဖွဲ့တွင်လည်း ပါဝင်တာဝန်ထမ်းဆောင်ခဲ့ပြီးနောက်ပိုင်းမှာ နိုင်ငံခြားရေးဝန်ကြီးတာဝန်ကိုပါ ၂၀၁၂ ခုနှစ်အထိထမ်းဆောင်ခဲ့ပါတယ်။
လက်ရှိမှာ အာဆီယံထိပ်သီးညီလာခံကျင်းပနေပြီး အခုထိပ်သီးညီလာခံနဲ့ ဆက်စပ်အစည်းအဝေးတွေမှာ အာဏာသိမ်းစစ်ခေါင်းဆောင် မင်းအောင်လှိုင်ကို အာဆီယံက တက်ရောက်ခွင့်မပေးခဲ့ပါဘူး။
Public Service Announcement
