ဖယ်ခုံတွင် စစ်ကောင်စီတပ်က လက်နက်ကြီးရမ်းသမ်းပစ်ခတ်နေ၍ ဒေသခံ ၃၀၀ကျော် တိမ်းရှောင်ရ

အာဏာသိမ်းစစ်ကောင်စီတပ်က လက်နက်ကြီးဖြင့် ရမ်းသမ်းပစ်ခတ်နေ၍ ဖယ်ခုံမြို့နယ် ဒေသခံ ၃၅၀ ခန့် ထွက်ပြေးတိမ်းရှောင်နေကြရကြောင်း စစ်ရှောင်ကူညီရေးဆောင် ရွက်နေသူတစ်ဦးက အတည်ပြုသည်။

ယနေ့(အောက်တိုဘာ၂၇)နံနက်က ရှမ်းပြည်နယ်တောင်ပိုင်း ဖယ်ခုံမြို့နယ် ကသဲ-ရွှေပြည်အေးကျေးရွာဘက်သို့ စစ်ကောင်စီတပ်က လက်နက်ကြီးဖြင့် ရမ်းသမ်းပစ်ခတ်ခဲ့၍ နေအိမ် ငါးလုံးနှင့် ဆေးခန်းတစ်ခုပျက်စီးခဲ့ကြောင်း ကရင်နီပြည် လူငယ်များသမဂ္ဂ(UKSY)က ထုတ်ပြန် သည်။

စစ်ဘေးတိမ်းရှောင်သူ ၃၅၀ ဦးခန့်ရှိလာပြီး ၎င်းတို့ တိမ်းရှောင်ရာနေရာနှင့် စစ်ရှောင်များ၏ အခြေအနေကို စုံစမ်းနေဆဲဖြစ်ကြောင်း ဖယ်ခုံမြို့နယ်မှကူညီရေးတာဝန်ရှိသူတစ်ဦးက ပြောသည်။

“ကျွန်တော်တို့ ဘယ်လိုသွားထောက်ပံ့ရမလဲဆိုတာ လမ်း ကြောင်းကို ရှာနေတုန်း”ဟု ၎င်းက ဆိုသည်။

Public Service Announcement

ပြီးခဲ့သည့် ရက်ပိုင်းကလည်း မိုးဗြဲမြို့ပေါ်သို့ စစ်ကောင် စီတပ်က လက်နက်ကြီးဖြင့် ရမ်းသမ်းပစ်ခတ်ခဲ့၍ ဒေသခံ ပြည်သူတစ်ဦးသေဆုံးပြီး ကလေးနှစ်ဦးအပါ အဝင် ငါးဦးထိခိုက်ဒဏ်ရာရရှိခဲ့သည်။ ထိုစဉ်ကလည်း မိုးဗြဲဒေသခံများ ထွက်ပြေးတိမ်းရှောင်ခဲ့ကြရသည်။