မန္တလေး ပုသိမ်ကြီးမြို့နယ်မှာ ကျေးရွာအုပ်ချုပ်ရေးမှူးတွေနဲ့ရာအိမ်မှူးတွေဆက်တိုက်နုတ်ထွက်နေ

မန္တလေးခရိုင် ၊ပုသိမ်ကြီးမြို့နယ်အတွင်းက ကျေးရွာအုပ်စုအုပ်ချုပ်ရေးမှူးတွေနဲ့ ရာအိမ်မှူးတွေ ဒီရက်ပိုင်းမှာ နုတ်ထွက်တာတွေဆက်တိုက်ရှိလာပါတယ်။

အောက်တိုဘာလ. ၂၇ ရက်ကနေ ၃ ရက်တာအတွင်း ကျေးရွာအုပ်စုအုပ်ချုပ်ရေးမှူး ၇ ဦးနဲ့ ရာအိမ်မှူး ၁ ဦးတို့ဟာ ရာထူးကနေ နုတ်ထွက်ခဲ့ကြတာပါ။

ကျန်းမာရေးမကောင်းလို့ တာဝန်ဆက်မထမ်းဆောင်နိုင်တဲ့အကြောင်း နုတ်ထွက်စာတွေအရသိရပါတယ်။

“အဓိကကတော့ အုပ်ချုပ်ရေးမှူးတွေ မကြာခဏပစ်သတ်ခံရတာတွေရှိတယ်။စစ်တပ်ကခန့်တဲ့ အုပ်ချုပ်ရေးမှူးဆို ဘယ်သူမှ လက်မခံဘူး” လို့ ပုသိမ်ကြီးမြို့ပေါ်တွင် နေထိုင်သူတစ်ဦးကပြောပါတယ်။

Public Service Announcement

နုတ်ထွက်သွားတဲ့ကျေးရွာတွေကတော့ ကျွဲရေကုန်း၊ တဲကုန်း၊ ငွေတောင်၊ ဆင်ပွတ်ကြီး၊ အင်ကျယ်၊ ရေထွပ်၊ နွယ်နီနဲ့ ငြိမ်းချမ်းသာစံကျေးရွာတွေဖြစ်တယ်လို့သိရပါတယ်။

ထပ်မံပြီး နုတ်ထွက်သွားတဲ့ ကျေးရွာအုပ်စု အုပ်ချုပ်ရေးမှူးများလည်းရှိနေပါသေးတယ်။

မနေ့က အောက်တိုဘာလ၂၈ရက် နံနက်ပိုင်းကလည်း ပုသိမ်ကြီး ရေထွက် ကျေးရွာ ရာအိမ်မှူးတစ်ဦး ဆိုင်ကယ်မောင်းနှင်နေချိန် သေနတ်နဲ့ပစ်ခတ်ခံရပြီး အခင်းဖြစ်နေရာမှာသေဆုံးခဲ့ပါတယ်။